«Qazaqstan temir joly» kompanııasynda qysqartý bolmaıdy
«Ózderińizde biletindeı, QTJ Qazaqstannyń shynaıy ekonomıkasyndaǵy iri jumys berýshi sanalady. Kompanııada shamamen 150 myń adam jumys isteıdi. Negizgi basymdyq - jumys oryndaryn saqtaý. Osy maqsatta jyl basynda kásipodaqtarmen zańnamaǵa sáıkes jumysshylardyń jalaqysy saqtalmaıtyn 20 kúnge deıin demalysqa shyǵýy qarastyrylǵan shara ázirlendi. Jumysshylarǵa munan ózge eshqandaı shara qarastyrylyp otyrǵan joq», - dedi M.Qabashev. Onyń sózine qaraǵanda, bul shara aǵymdaǵy jyly shamamen 5 myń jumys ornynyń saqtalýyna óz septigin tıgizdi. «Bul jalǵyz ǵana shara bolatyn. Kompanııa ózge shara qabyldaǵan joq. Atap óterligi, kelesi jyly da jumysshylardyń eńbek jaǵdaılarynyń nasharlaýyna baılanysty qandaı da bir sharalar nemese qysqartý qarastyrylyp otyrǵan joq», - dedi ol.