«Qazaqstan temir joly» kompanııasy astyqtyń tasymalyn mıllıon tonnaǵa jetkizdi
Atap aıtqanda, kompanııa málimetterine qaraǵanda 2013 jylǵy qarashada astyq tıeý 1 030 myń tonnaǵa jetkizildi. Bul ótken jyldyń sáıkes merzimimen salystyrǵanda, 423 myń tonnaǵa (70%) joǵary kórsetkish bolyp tabylady. Onyń ishinde temir jol arqyly eldiń ishki baǵytyna 317 myń tonna jóneltilse, eksportqa 713 myń tonna astyq tasymaldanǵan. Bul rette tasymaldyń negizgi baǵyttary Orta Azııa (210 myń tonna), Kavkaz elderi (135 myń tonna), sondaı-aq Reseı men Qara teńiz, Baltyq teńizi porttary baǵyttary (208 myń tonna) saqtalyp otyr.
«Iranǵa Aqtaý halyqaralyq teńiz porty (64,5 myń tonna) jáne jańadan salynǵan Ózen-Túrkimenstanmen memlekettik shekara temir jol jelisi arqyly (33,6 myń tonna) jańa astyq jiberildi. Qytaıǵa 43,1 myń tonna jáne Aýǵanstan baǵdaryna 17,5 myń tonna ónim tıeldi. Osy merzimde un ónimderin tıeý 305,5 myń tonnaǵa jetkizilip, ótken jyldyń sáıkes merzimine qaraǵanda - 97 myń tonnaǵa artyq, 46% joǵary kórsetkishti qurady. Eksportqa 242,7 myń tonnasy, ıaǵnı 80% jiberildi. Tıelgen unnyń jalpy kóleminiń 145,5 myń tonnasy Ózbekstanǵa, 47,3 myń tonnasy Aýǵanstanǵa, Tájikstanǵa 27 myń tonnasy, Qyrǵyzstanǵa 11 myń tonnasy jóneltildi», - delingen baspasóz baıanynda.
Toqtala ketetin taǵy bir jaıt, bıylǵy marketıngilik jyly (shilde-qarasha) 3,5 mln. tonna astyq tıelip, onyń 2,36 mln. tonnasy eksportqa shyǵarylǵan. Esepti kezeńde 1 122 myń tonna un ónimderi tıelse, onyń ishinde 882 myń tonnasy eksportqa shyǵaryldy.