«Qazaqstan temir joly» ındýstrııalyq-ınnovatsııalyq damý baǵdarlamasynyń lokomotıvine aınalyp otyr - Úkimet basshysy

ASTANA. 2 tamyz. QazAqparat - Búgin Astanadaǵy «Qazaqstan temir joly»UK» AQ ǵımaratynda ótken Qazaqstannyń kólik qyzmetkerleriniń kúni saltanatty sharasy barysynda jıynǵa qatysqan QR Premer-Mınıstri Serik Ahmetov temirjolshylardy kásibı merekelerimen quttyqtady.

«Kólik júıesi onyń ishinde temirjol salasy ekonomıkanyń kúretamyry bolyp tabylady. Elimizdiń kólik ınfraqurylymyn damytýda «Qazaqstan temir joly» UK mańyzdy oryn alyp otyr. Búgingi kúni álemdik básekege saı qyzmet kórsetip otyrǵan biregeı kompanııa shyn máninde elimizdiń ındýstrııalyq-ınnovatsııalyq damý baǵdarlamasynyń lokomotıvine aınaldy. Bul oraıda, osy salanyń damýyna úles qosyp otyrǵan temirjol qyzmetkerleriniń eren eńbegin erekshe atap ótkim keledi», - dedi S. Ahmetov.

Sonymen qatar, úkimet basshysy ulttyq kompanııanyń aldaǵy ýaqytta da ulttyq temirjol júıesin qamtamasyz etip, el ekonomıkasynyń tiregi bolatynyna senim bildirdi.