«Qazaqstan temir joly» bıyl 560 km astam shoıyn jolǵa kúrdeli jóndeý júrgizedi

ASTANA. QazAqparat – Bıyl 560 km astam shoıyn jolǵa kúrdeli jóndeý júrgiziledi, dep habarlaıdy QazAqparat «Qazaqstan temir joly» UK» AQ baspasóz qyzmetine silteme jasap.

Kúrdeli sıpattaǵy jóndeý jumystarynan basqa, sondaı-aq 90,5 shaqyrym jolǵa kúsheıtilgen ortasha jáne ortasha jóndeý josparlanyp otyr. Temirbeton arqalyqtardaǵy baǵyttamaly burmalardyń 634 jıyntyǵyn jańasymen aýystyrý kózdelgen.

Magıstraldy jóndeý jumystaryn oryndaý jáne kútip ustaý úshin kompanııanyń jol sharýashylyǵynda 732 arnaýly temirjol jyljymaly quramy paıdalanylady.

Ótken jyldyń qorytyndysy boıynsha, shamamen 1 000 km temirjol jóndelse, onyń 550 km astamy kúrdeli jóndeýden ótti.

Jol jóndeý boıynsha josparly jumys temirjol tasymalynyń qaýipsizdigin qamtamasyz etýge baǵyttalǵan.

Foto: «Qazaqstan temir joly» UK» AQ baspasóz qyzmeti