Qazaqstan temir joly 780 mln dollarǵa eýrooblıgatsııalar ornalastyrdy

ASTANA. QazAqparat - «Qazaqstan temir joly» UK» AQ 4,8 paıyz jyldyq ósimmen 780 mıllıon dollar kóleminde eýrooblıgatsııa ornalastyrdy. Ornalastyrý merzimi - 10 jyl, dep habarlaıdy «QazAqparat» HAA tilshisi kompanııanyń baspasóz qyzmetine silteme jasap.

780 mln dollar kóleminde eýrooblıgatsııalardy sońǵy ornalastyrý 2020 j. oblıgatsııalardy tolyǵymen qaıta satyp alyp, merziminen buryn jabýǵa múmkindik berdi. Osylaısha, kompanııanyń qysqamerzimdik mindettemeleri men qyzmet kórsetý júktemeleri edáýir jeńildetildi.

«QTJ» UK» AQ-nyń jańa eýrooblıgatsııalyq shyǵarylymyna emıtenttiń (BBB- (Fitch) / Baa3 (Moody's)) nesıelik reıtıngi deńgeıi berildi. Kelisimniń jahandyq úılestirýshisi - J.P.Morgan jáne Renaissance Capital, býkrannerleri - Halyk Finance pen MUFG», - dep habarlady vedomstvonyń baspasóz qyzmetinen.

«QTJ» UK» AQ memlekettiń 100% qatysýymen vertıkaldy yqpaldastyrylǵan kólik-logıstıkalyq holdıngi bolyp tabylady.