«Qazaqstan temir joly» 5 jylda shyǵyn kólemin 500 mlrd. teńgege tómendetpek

ASTANA. QazAqparat - «Qazaqstan temir joly» ulttyq kompanııasy 5 jylda shyǵyn kólemin 500 mlrd. teńgege tómendetedi. Bul týraly búgin «Samuryq-Qazyna» AQ transformatsııa forýmy aıasynda BAQ ókilderine suhbat bergen «Qazaqstan temir joly» UK» AQ prezıdenti Asqar Mamın málim etti.

«Biz Transformatsııa baǵdarlamasy aıasynda júk, jolaýshylar tasymaly, ınfraqurylym syndy basqa da mańyzdy konpetentsııalardaǵy negizgi bıznes-protsesterdi tolyǵymen qaıta qaraýǵa nıet tanytyp otyrmyz. «Djeneral elektrık», «Alston» syndy tanymal kompanııalarmen seriktestik bizderge kóp jaıtarda zor múmkindik beredi. Birinshi kezekte, kompanııa tıimdiligin, korporatıvtik basqarý deńgeıin arttyrýda tájirıbe jınaımyz. Tolyqtaı alǵanda, baǵdarlamany júzege asyrý aıasynda 2020 jylǵa deıin biz shyǵyndy 500 mlrd. teńgege deıin tómendetemiz», - dedi A.Mamın.

Onyń sózine qaraǵanda, birqatar óndiristik protsessterdi qaıta qaraý josparlanyp otyr. Máselen, reınjınırıng júrgiziletin bolady. Bul kompanııa tıimdiligin arttyrýǵa múmkindik beredi.