«Qazaqstan» teleradıo korporatsııasynda jańa taǵaıyndaýlar boldy

ASTANA. QazAqparat - «Qazaqstan» RTRK» AQ  júıesinde birqatar kadrlyq ózgerister boldy. 

Atap aıtqanda, 2017 jyldyń 24 aqpanyndaǵy «Qazaqstan» RTRK» AQ Dırektorlar keńesiniń sheshimimen Mádı Manatbek «Respýblıkalyq radıo» JShS-niń bas dırektory bolyp taǵaıyndaldy.

Mádı Manatbek 2012-2013 jyldary «Qazaqstan» RTRK» AQ óndiris jónindegi basqarma tóraǵasynyń orynbasary qyzmetin atqarǵan.

«Respýblıkalyq radıo» JShS «Qazaqstan» RTRK» AQ-nan qurylǵan radıo habarlaryn taratý boıynsha jumys atqaratyn kásiporyn jáne onyń quramyna Qazaq radıosy, «Shalqar», «Astana», «Classic»  atty tórt radıoarna kiredi.

Sondaı-aq Áshimov Asqar Turǵanbekuly «Qazaqstan» Ulttyq telearnasynyń dırektory bolyp taǵaıyndaldy. Ol ár jyldary «Qazaqstan» RTRK» AQ Atyraý oblystyq fılıalynyń dırektory, «Qazaqstan» Ulttyq telearnasynyń bas rejısseri qyzmetterin atqarǵan.

Sonymen qatar, «Qazaqstan» RTRK» AQ-nyń Aımaqtyq damý dırektsııasynyń dırektory taǵaıyndaldy. Bul laýazymǵa buǵan deıin «Qazaqstan» RTRK» AQ Shyǵys Qazaqstan jáne  Aqmola oblystyq fılıaldarynyń dırektory qyzmetinde bolǵan Dúısenov Arsenıı Keńesuly bekitildi.

«Qazaqstan» Ulttyq telearnasynyń dırektory qyzmetin osy ýaqytqa deıin atqarǵan  Aǵybaev Janahmet Jánibekuly Atyraý oblystyq fılıalynyń dırektory qyzmetine taǵaıyndaldy.  

Aıta keteıik, Qoǵamnyń aımaqtardyń damýy jónindegi Basqarma tóraǵasynyń orynbasary Ysqaqov Ilıas Basharulynyń jáne osy ýaqytqa deıin «Respýblıkalyq radıo» JShS bas dırektory qyzmetin atqarǵan Óteǵalıev Dosymbek Qonysbekulynyń  ókilettikteri  toqtatyldy.

Eske salaıyq, aǵymdaǵy jyldyń 9 aqpany kúni «Qazaqstan» RTRK» AQ Basqarma tóraǵasy bolyp Erlan Qarın taǵaıyndaldy.  Ulttyq arnany oǵan deıin basqarǵan Kemelbek Oıshybaev bul laýazymda nebári tórt aı boldy.