Qazaqstan teatrlarynyń TMD elderi arasynda bedeli joǵary — Erbol Habylbekov

<p>ASTANA. KAZINFORM &mdash; Qazaqstan teatr óneriniń TMD elderi arasyndaǵy bedeli joǵary. Bul týraly <a href="https://kaz.inform.kz/" target="_blank" rel="noopener">Kazinform</a> tilshisine Q&middot;Qýanyshbaev atyndaǵy Qazaq ulttyq mýzykalyq drama teatrynyń dırektory Erbol Habylbekov aıtty.</p>

— TMD elderin alǵanda, qazaq teatrlary belsendi jáne aldyńǵy qatarynda ekenin senimmen aıta alamyn. Mysaly, ótken jyly Qyrǵyzstanda Art Ordo atty halyqaralyq festıval ótti, sonda teatr ujymy «Qozy Kórpesh — Baıan Sulý» spektaklimen gran-prı júldesin utyp aldy. Sonymen qatar, Qazaqstannyń basqa da teatrlary halyqaralyq sahnada únemi úlken jetistikterge jetip júrgeni belgili, — deıdi teatr basshysy.

Teatrdyń jetistikterine qatysty teatr ártisi, qoǵam qaıratkeri Qýandyq Qystyqbaev ta pikir bildirdi. 

Ártis teatrdyń bolashaǵy týraly oılaryn bólisti. Onyń aıtýynsha, teatrdyń jetilýi úshin rejısserler sany jetkiliksiz bolyp otyr.

— Bizge rejısser kadrlardyń sanyn kóbeıtý qajet. Buryn bul salada mamandardyń belsendiligi joǵary edi, alaıda qazir olardyń qatary sırep qalǵany seziledi. Bul baǵytta kóbirek maman tárbıeleýimiz kerek. Tek sol kezde ǵana halyqaralyq arenada óz ornymyzdy nyqtaı alamyz, — dep atap ótti Qýandyq Qystyqbaev.

Aıta keteıik, 11 qyrkúıekte Qalıbek Qýanyshbaev atyndaǵy Qazaq ulttyq mýzykalyq drama teatrynyń 34-shi maýsymy bastaldy.

Jańa maýsym shymyldyǵy dástúrli túrde M.Áýezovtiń «Abaı» qoıylymymen ashyldy.