Qazaqstan-Tájikstan qatynasy eýrazııalyq keńistiktegi ıntegratsııany nyǵaıtady - sarapshy
«Tájikstan Prezıdenti Emomalı Rahmonnyń Qazaqstanǵa sapary bastaldy. Bul sapar Ortalyq Azııa memleketteri basshylarynyń jumys boıynsha kezdesýine arnalǵan sharalardyń, kezdesýlerdiń serııasyn ashyp otyr. Ortalyq Azııa men Ońtústik Azııany baılanystyryp turǵandyqtan, Tájikstannyń mańyzy búgingi tańda aıtarlyqtaı artyp keledi», - deıdi Zarema Shaýkenova.
Spıker óz sózinde, qazirgi ýaqytta álemdik birlestikter Aýǵanstandaǵy jaǵdaıdy turaqtandyrýǵa, atalǵan eldiń beıbit jolǵa túsýine kúsh salyp jatqanyn aıtady. Bul baǵytta Qazaqstan da óz úlesin qosýda.
«BUU QK tóraǵalyǵy aıasynda bizdiń elimiz 2018 jyly qańtarda Aýǵanstanǵa saparlaýdy júzege asyrdy. Osy jyldyń 19 qańtarynda Aýǵanstan boıynsha «Aýǵanstan men Ortalyq Azııada aımaqtyq seriktestikti qaýipsizdik pen damýdyń ózaratáýeldilik úlgisinde qurý» taqyrybynda pikirtalas ótkizildi. 2018 jyldyń kúzinde Astanada «Aýǵanstandaǵy áıelderdiń múmkindikterin arttyrý» taqyrybynda halyqaralyq konferentsııa ótkizý josparlanyp otyr. Otandyq JOO-larda aýǵan stýdentteri oqytylýda. Aýǵanstanǵa qatysty osy jumystardyń barlyǵy da jalpy Ortalyq Azııany nyǵaıtý úshin júrgizilip jatyr», - deıdi sarapshy.
Onyń aıtýynsha, Tájikstan bul turǵyda Aýǵanstanǵa ashylar esik, Ortalyq Azııa men Ońtústik Azııany baılanystyratyn element bola alady. Demek, strategııalyq turǵyda Tájikstannyń mańyzy artady.
«Ekinshi jaǵynan Tájikstan Eýrazııalyq ekonomıkalyq odaqtyń múshesi emes. Dese de, basqa da ıntegratsııalyq bloktardyń quramynda. Qazaqstandyq-tájikstandyq qarym-qatynastyń damýy - eýrazııalyq keńistiktegi ıntegratsııany kúsheıtý bolyp tabylady. Oǵan qosa, Tájikstandaǵy Qazaqstan Respýblıkasynyń Elshisi Nurlan Seıtimovtyń habarlaýynsha, eki eldiń arasyndaǵy taýar aınalymy 2017 jyldyń qorytyndysy boıynsha 776 mıllıon dollarǵa jetkenin atady. Bul 2016 jylmen salystyrǵanda 31,5 paıyzǵa artyq», - dedi Zarema Shaýkenova.
Sarapshynyń paıymdaýynsha, kooperatsııa úshin jańa múmkindikter týyp otyrǵandyqtan, Ortalyq Azııa qazirgi tańda jaýapty kezeńdi basynan ótkerýde.
«Qazaqstanǵa kelmes buryn kóp ýaqyt ótpeı turyp, E.Rahmon Ózbekstan Prezıdenti Sh. Mırzıeevpen kezdesti. Osy kezdesýdiń barysynda ózbek-tájik qarym-qatynasynda birshama ilgerileýshilik bary sezildi. ıAǵnı, bul sanastyra alar Ortalyq Azııanyń jańa úderisi kele jatqanyn bildiredi. Qazaqstan úshin Tájikstan ekonomıkalyq jáne áleýmettik turǵyda úlken mańyzǵa ıe», - dedi ol.