Qazaqstan-Tájikstan bıznes-forýmynda birqatar qujatqa qol qoıyldy
Atap aıtqanda, ERG kompanııasy men «TALKO» toby arasynda glınozem jetkizý boıynsha kelisimge qol qoıyldy.
AZK Esentai kompanııasy men «Hýbcham Invest» kompanııasy astyq jekizý salasyna qatysty qujatty bekitti.
Budan bólek, Factory jáne «Hýbcham Invest» kompanııalary arasynda bıdaı tasymaly boıynsha kelisimge qol qoıdy.
Sonymen qatar, taý-ken salasyn damytý baǵytynda World Constuction Astana kompanııasy «Korhonaı kımıevı» kompanııasy arasynda tıisti qujat bekitildi.
Taǵy bir qujat «TadjQazTreıd» birlesken kásipornyn qurý boıynsha tujyrymdamaǵa arnalǵan. Osy oraıda QazTrade aktsıonerlik qoǵamy men «Tadjakpromeksport» kásiporny atalǵan tujyrymdamaǵa qol qoıdy.
Budan buryn habarlanǵandaı, QR Premer-Mınıstrdiń orynbasary – Saýda jáne ıntegratsııa mınıstri Serik Jumanǵarın Qazaqstan-Tájistan bıznes forýmy aıasynda túske deıin bıznesmender arasynda 1 mlrd 300 mln dollardyń kelisimshartyna qol qoıylǵanyn aıtty.