Qazaqstan taýlarynda SOS sıgnalyn taratatyn GPS devaıstar ornatylady
Bul týraly Kazakh Tourism kompanııasynyń basqarma tóraǵasy Erjan Erkinbaev ortalyq kommýnıkatsııalar qyzmetinde ótken brıfııngide málim etti.
«Tsıfrlyq damý, ınnovatsııalar jáne aeroǵarysh ónerkásibi mınıstrligi jergilikti ákimdiktermen birge uıaly baılanys munaralaryn ornatyp bolǵansha biz Kosmostyq tenıka jáne tehnologııa ınstıýtymen birge taýlardaǵy vızıt ortalyqtardy týrısterdi evakýatsııalaý devaıstarymen jabdyqtaýdy josparlap otyrmyz. Bul kishigirim GPS devaıstar eshqandaı baılanys jabyny joq jerdiń ózinde SOS sıgnalyn bere alady. Mundaı devaıstar bıyl qoljetimdi bolady dep josparlap otyrmyz», - dedi Erjan Erkinbaev.
Sondaı-aq, ol Qazaqstannyń týrıstik oryndarynda uıaly baılanystyń bolmaýy kelýshiler úshin qosymsha qolaısyzdyq týǵyzyp jatqanyn jetkizdi.
«Baılanys taýly ólkelerde joǵalǵan týrısterdi izdeý úshin jáne kommýntsıkatsııaǵa ǵana qajet degen túsinik bolmaýy kerek. Baılanys qarapaıym onlaın operatsııalar úshin de kerek. Klıent tipti ulttyq parkter kórsetetin qyzmetterdiń aqysyn onlaın rejımde tóleı alýy qajet. Búginde ol qyzmettiń bárine qolma-qol aqsha arqyly tólem jasalyp otyr. Bul – bizdegi týrızmniń taǵy bir kemshiligi», - dedi Kazakh Tourism basshysy.