«Qazaqstan. Táýelsizdikke 30 jyl» kitaby oqyrmanǵa jol tartty

NUR-SULTAN. QazAqparat – Elimiz úshin mańyzdy mereıtoı qarsańynda Nur-Sultandaǵy «Brands of Kazkahstan» baspasy «Qazaqstan. Táýelsizdikke 30 jyl» kitabyn jaryqqa shyǵardy, dep habarlaıdy QazAqparat tilshisi.

Kitaptyń avtory ári qurastyrýshysy – Raýshan Muhametalına. Qazaqstan Premer-mınıstri Asqar Mamınniń alǵy sózinen bastalatyn eńbektiń ishinde QR Indýstrııa jáne ınfraqurylymdyq damý mınıstri Beıbit Atamqulovtyń eldegi ındýstrııanyń damýy týraly taldamalyq maqalasy basylǵan.

«Táýelsizdik shejiresi» aıdarynda Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev pen Qazaqstan Respýblıkasynyń Prezıdenti Qasym-Jomart Kemeluly Toqaevtyń táýelsiz Qazaqstannyń damýyndaǵy tarıhı rólin sıpattaıtyn fotosýretter usynylǵan. Sondaı-aq, kitapta 17 óńirdiń ákimderi jazǵan Táýelsizdiktiń 30 jylyndaǵy jergilikti jetistikter týraly maqalalar, túrli salaladaǵy jetekshi kásiporyndar men brendter týraly málimet toptastyrylǵan. Mereıtoıǵa arnalǵan basylymnyń bas demeýshisi – «Saýts-Oıl»JShS munaı-gaz kompanııasy.

Sonymen birge «QazMunaıGaz» UK» AQ, «Óskemen tıtan-magnıı kombınaty» AQ, «Qarashyǵanaq Petrolıým Opereıtıng B.V», «SNPS-«Aqtóbemunaıgaz» AQ, «ArselorMıttal Temirtaý» AQ, «Kazakhmys Holding (Qazaqmys Holdıng)» JShS sııaqty óndiris alpaýyttary da demeýshilik kórsetken. Eńbek Qazaqstan, EAEO, TMD jáne alys shetel oqyrmandaryna arnap orys jáne aǵylshyn tilderinde jazylǵan premıým-klasty syılyq retinde basylyp otyr.

«Bizdiń Otanymyz – Qazaqstan Respýblıkasy 2021 jyldyń 16 jeltoqsanynda Táýelsizdiktiń 30 jyldyǵyn atap ótedi. Ótken jyldar ishinde Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaevtyń basshylyǵymen elimiz áleýmettik-ekonomıkalyq damýda, memlekettilik pen halyqaralyq bedeldi nyǵaıtýda úlken tabystarǵa qol jetkizdi. Qazaqstan prezıdenti Qasym-Jomart Kemeluly Toqaev Elbasynyń demokratııalyq, ekonomıkalyq jáne saıası damý baǵytyn jalǵastyrýda. Kitap Qazaqstan Respýblıkasy Táýelsizdiginiń 30 jyldyǵyna oraı shyǵaryldy. Bizdiń basty mindetimiz – osy kitap arqyly Qazaqstandy elimizdiń, EAEO, TMD elderiniń jáne alys shetel oqyrmandaryna ekonomıkasy damyǵan, ekonomıka men bıznestiń barlyq salalarynda ósý áleýeti joǵary memleket retinde tanystyrý», – dedi kitaptyń avtory jáne qurastyrýshysy Raýshan Muhametalına.