«Qazaqstan tarıhy ejelgi dáýirden búgingi kúnge deıin» 7 tomdyq jaryq kóredi

NUR-SULTAN. QazAqparat – «Qazaqstan tarıhy ejelgi dáýirden búgingi kúnge deıin» 7 tomdyǵy bıyl jaryq kóredi. Bul týraly QR Premer-Mınıstriniń orynbasary Eraly Toǵjanov aıtty, dep habarlaıdy QazAqparat tilshisi.

«Qazaqstan tarıhyn qazir qaıtadan qarastyryp jatyrmyz. Onda ádistemege qatysty úlken ózgerister bar. 7 tomdyq úlken eńbek ázirlenýde. Bul eńbektiń búginde 85-90 paıyzy daıyn ekendigin keshe tyńdadym, ǵalymdarmen sóılestim. Onda qazaq dalasyndaǵy eń alǵashqy memleketterdiń, bizdiń zamanymyzǵa deıin 1 myń jyldaǵy saq memleketiniń paıda bolýynan bastap naqty derekter engizilip otyr», - dedi Úkimet basshysynyń orynbasary Respýblıkalyq tamyz konferentsııasy barysynda.