Qazaqstan tanymal qytaılyq blogerlerdi nesimen tańqaldyrdy
Týr quramyna Qytaıdyń tanymal úsh blogeri men jýrnalısi kirdi. Olardyń biri táýelsiz sholýshy-saıahatshy, Sınhýa jańalyqtar agenttiginiń jáne Qytaı baspasóz qaýymdastyǵynyń resmı fotografy Tsıan Fan ıÝan Tszın. Ol «qonaq úı isinen» dáris beredi. Búkil Qytaıda 100 mıllıonnan astam oqyrmany bar. Al áleýmettik jelide 2,69 mln oqyrmany bar tájirıbeli saıahatshy, fotograf Tsaý ıÝan Qytaıdyń 200-den astam qalasyn jáne álemdiń barlyq qurlyǵyndaǵy 40-tan astam elge saparlaǵan. Tanymal qytaılyq saıahatshy jáne jaýzýshy Go Chenniń áleýmettik jelide 43 mıllıonnan astam oqyrmany bar. Sonymen qatar jýrnalıst Tsaı Veı Hýan da týr quramyna kirip otyr.
Qonaqtar elimizde 18-26 naýryz aralyǵynda bolady. «Kazakh Tourism» ulttyq kompanııasynyń basqarma tóraǵasy rashıd Kúzembaevtyń aıtýynsha, blogtýr Naýryz meıramynyń tanymaldylyǵyn arttyrý, Qytaı týrısteri arasynda qazaq halqynyń qonaqjaılylyǵy men dástúrlerin ilgeriletýge baǵyttalǵan.
Blogerler Báıterekti, Áziret Sultan meshitin, Beıbitshilik pen kelisim saraıyn, Táýelsizdik saraıyn tamashalap, EKSPO aýmaǵyndaǵy halyqtyq serýenge qatysty.
Qonaqtar ulttyq taǵamdarǵa tamsandy. Olar et, naýryz kóje, qýyrdaq, qymyz, shubat jáne dástúrli táttilerden dám tatty.
«Barlyq jerde de mol jaıylǵan dastarqanmen qarsy aldy jáne ár ýaqytta da dámdi taǵam óte kóp boldy. Buǵan deıin esh jerden mundaı qonaqjaılylyqty kórgen emespin», - dep atap ótedi Tsıan Fan ıÝan Tszın.
Blogerler ózderiniń áleýmettik jelilerdegi paraqshalary arqyly taza kólderi men qalyń ormandary bar Qazaqstannyń sulý tabıǵaty, el halqynyń qonaqjaılylyǵy jaıynda jazbalar qaldyrdy. Olardy Şýche-Býrajaı kýrortty aımaǵynyń qysqy peızajy - «Jumbaqtas», aspan tústi kók muz jabylǵan kól jáne qaraǵaıly orman sulýlyǵy tańdanystaryn týdyrdy. Atqa minip, qazaqstandyq «Laplandııada» ıt jetegindegi shanaǵa otyrý da qonaqtaryń kóńilinen shyqty.
Blogerlerge arnalǵan týr Almatyda jalǵasady. Ońtústik astanada olar qalanyń basty alańyndaǵy Naýryz meıramyna alǵan jalpyhalyqtyq serýenge qatysyp, Kóktóbe, Medeý, Shymbulaq jáne ózge de kórikti jerlerdi aralaıdy. Úshqońyr men Sharyn shatqaldaryna da saparlary josparlanyp otyr.
Týr qorytyndysynda qytaılyqtar Qazaqstannyń etno jáne ekotýrızmi jaıynda keńinen maǵlumat alady dep kútilýde. Al blogerlerdiń ózderi de aldaǵy ýaqytta Qazaqstanǵa jaz jáne qys aılarynda kelýge ýáde berip otyr.
Aıta keterligi, kelesi jyl Reseı blogerleri shaqyrylady.