Qazaqstan tankishileri kásibı merekelerin atap ótýde
QR QK Ulttyq áskerı-patrıottyq ortalyǵynda Tankishiler kúnine arnalǵan saltanatty jınalys ótti. Bul is-shara Qarýly Kúshter aýqymynda alǵash ret ótkizilip otyr. «Búgin erekshe meıram. Tankishi bolǵanymdy maqtan tutamyn jáne bul Qurlyq áskerleriniń basty soqqy kúshi dep esepteımin. Búginde munda tankishi ardagerler, Qazaqstan Qarýly Kúshteriniń úzdik tankishileri jınalyp otyr», - dedi zapastaǵy general-maıor Gennadıı Nosonovskıı. Búginde tank quramalary Qazaqstan Respýblıkasy Qarýly Kúshteri Qurlyq áskerleriniń basty soqqy berýshi kúshi bolyp tabylady. «Bul kúrdeli, qajyrly, keıde qaýipti, alaıda, qurmetke tatıtyndaı eńbek. Barshalaryńyzǵa Otanǵa aıanbaı qyzmet etýde sáttilik, damý jáne densaýlyq tilegim keledi», - dedi zapastaǵy general-maıor Amanjol Ospanov. Saltanatty jıynda estelik medaldar tabys etildi. Al is-shara qorytyndysy boıynsha merekelik kontsert ótti.