Qazaqstan taǵy 2 jer serigin ázirleýde

ASTANA. QazAqparat - Qazaqstan taǵy da eki jer serigin ushyrý úshin daıyndap jatyr. Bul týraly búgin elordada ótip jatqan «Ǵaryshqa qazaqstandyq jol: Júzege asýy men damý keleshegi - 2017» atty halyqaralyq forýmda QR Qorǵanys jáne aeroǵarysh ónerkásibi vıtse-mınıstri Marat Nurǵojın aıtty, dep habarlaıdy QazAqparat.

«Ózderińiz de biletindeı, qazirgi ýaqytta 4 apparat shtattyq rejimde jumys isteýde. Kelesi jyldyń basynda orbıtalyq top taǵy eki jer serigimen tolyǵýy tıis. Qazsat ǵaryshtyq júıesi baılanystyń Qazsat-2 jáne Qazsat-3 jer seriginen turady. Qazirgi ýaqytta bizdiń jer serigimiz arqyly jerseriktik baılanystyń shamamen 7,5 jerústi stansasy jumys istep tur. Qazaqstannyń 16 jerseriktik baılanys operatory men uıymynyń qajettiligi qamtamasyz etilgen»,-  dedi ol.

Vıtse-mınıstrdiń dereginshe, qazirgi ýaqytta Qazsat-3 arqyly Otaý TV-nyń 1 mıllıonnan astam abonenti qyzmet alady.

«Jer serikteriniń belsendi jumys isteý merzimi aıaqtalǵannan keıin josparly aýystyrý boıynsha jumystar júrgizilýde. 2023 jyly Qazsat-2 jer serigin josparly almastyrý úshin Qazsat-2R jer serigin jasap, ushyrý josparlanǵan», - dedi Nurǵojın.