Qazaqstan taekvondo federatsııasynyń jańa prezıdenti saılandy

<p>ASTANA. KAZINFORM &ndash; 6 qyrkúıek kúni Astanada Qazaqstandyq taekvondo (WT) federatsııasy músheleriniń kezekten tys jınalysy ótti. Kún tártibinde birneshe másele qarastyrylyp, Federatsııanyń jańa prezıdenti saılandy.&nbsp;</p>

Ulttyq olımpıadalyq komıtettiń málimetinshe, jıynǵa qatysqan 20 oblystyq federatsııa men sporttyq uıymdardyń ókilderinen usynylǵan kandıdatýrany 14 adam qoldaǵan. Nátıjesinde Qazaqstandyq taekvondo (WT) federatsııasynyń prezıdenti retinde Shamıev Kýdrát Ignatuly saılandy. 

«Jeke maqsattarymnyń jeteginde emes, el múddesi úshin osy qyzmetke kelip otyrmyn. Alda Los Andjeles Olımpıadasy bar, biraq bizdiń jumys strategııamyz bir Olımpıadalyq kezeńmen shektelmeı, 20 jylǵa baǵyt-baǵdarymyz aıqyn bolýy tıis. Ár sportshynyń tolyqqandy daıyndyǵy úshin qajettiniń barlyǵyn usynyp, kez kelgen deńgeıdegi jarysty ádil ótkizý – bizge artylǵan amanat dep bilemin. QR Týrızm jáne Sport mınıstrligi jáne Ulttyq Olımpıada Komıtetimen birge bir judyryqtaı jumylyp jumys isteımiz», - dedi Shamıev óz sózinde. 

Aıta ketelik, Shamıev bul qyzmette Vıacheslav Kımdi almastyrǵan bolatyn.

Anyqtama: Shamıev Kýdrát Ignatuly – kásipker-metsenat, 34 jasta, Azııa-Tynyq muhıty tehnologııa jáne ınnovatsııalar ýnıversıtetinde «halyqaralyq bıznesti basqarý» mamandyǵy boıynsha bilim alǵan, eńbek ótili 12 jyl, qazirgi ýaqytta «Integra Construction KZ» JShS baqylaý keńesiniń tóraǵasy, 2021 jyly «Eren eńbegi úshin» medalimen marapattaldy.