Qazaqstan syrtqa satylatyn aýyl sharýashylyǵy óniminiń kólemin ulǵaıtty

ASTANA. QazAqparat - 2023 jyldyń 6 aıynyń qorytyndysy boıynsha AÓK óniminiń eksporty ótken jyldyń sáıkes kezeńimen salystyrǵanda 5% ósti ($2,6 mlrd-tan $2,7 mlrd-qa deıin), dep habarlaıdy QazAqparat AShM baspasóz qyzmetine silteme jasap.

Alǵashqy jartyjyldyqta ósimdik sharýashylyǵy óniminiń eksporty $1,56 mlrd boldy, bul ótken jyldyń 6 aıyndaǵy kórsetkishten 4,7%-ǵa kóp ($1,49 mlrd).

Mal sharýashylyǵy ónimderiniń eksporty $80 mln qurady, bul ótken jyldyń 6 aıynyń kórsetkishinen 18%-ǵa asyp tústi (67,8 mln).

AÓK-tiń óńdelgen óniminiń eksporty birinshi jartyjyldyqta $1,1 mlrd qurady, bul 2022 jylǵy 6 aıdaǵy kórsetkishinen 5%-ǵa kóp ($1 mlrd).

Atalǵan kezeńde AÓK ónimi eksportynyń jalpy kólemindegi óńdelgen ónimniń úlesi - 40,1%-boldy.

Syrtqy naryqtarǵa jetkiziletin AÓK-tiń úzdik 5 ónimine bıdaı, un, kúnbaǵys maıy, zyǵyr tuqymy jáne arpa kiredi.