Qazaqstan suıytylǵan gaz boıynsha «QazRosGazben» kelisim jasady

<p>Energetıka mınıstri Almasadam Sátqalıev Qazaqstanǵa qosymsha kólemde suıytylǵan gaz jetkizý baǵytynda &laquo;QazRosGaz&raquo; kompanııasymen jasalǵan kelisim týraly aıtty, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Bul jaǵdaı suıytylǵan munaı gazyna qatysty. «QazRosGaz» bizdiń gaz kondensatyn Reseı Federatsııasynda óńdeý nátıjesinde 90 myń tonnaǵa (jylyna) jýyq suıytylǵan munaı gazyn syrtqy naryqqa nemese Qazaqstannyń ishki naryǵyna jetkize alady. Al ishki naryqta suıytylǵan munaı gazynyń tapshylyǵyn eskere otyryp, biz «QazRosGazdyń» bul kólemdi Qazaqstanǵa tasymaldaýdy suradyq», – dedi A. Sátqalıev Parlament Májilisinde tilshiler suraǵyna jaýap bere otyryp.

Bul turǵyda ol mınıstrlik elimizde suıytylǵan gazdy satyp alatyndarmen tıisti kelissóz júrgizgenin aıtty.

«ıAǵnı, qazir suıytylǵan munaı gazyn tutynýshylarmen, iri ónerkásiptermen, janarmaı quıý stantsııalary jelilerimen, bólshek saýda naryǵynyń iri qatysýshylarymen kelissóz uıymdastyryp, olardy resýrstarmen qamtamasyz ettik. Atap aıtqanda, jalpy ishki naryqty gazben qamtamasyz etý úshin bizde áli de qosymsha resýrstar bar», – dep túsindirdi vedomstvo basshysy.

Energetıka mınıstri suıytylǵan gaz naryqtaǵy baǵamen jetkiziletinin atap ótti.

«Olar eksporttyq baǵamen jetkizedi. Bul rette halyqaralyq baǵa bolady jáne biz ekonomıkalyq negizdi eskere otyryp, «QazRosGazǵa» qatysty qandaı da bir ishki baǵany qoldanbaımyz», – dedi Almasadam Sátqalıev.

Budan buryn habarlanǵandaı, jaqynda Energetıka vıtse-mınıstri Álibek Jamaýov «QazRosGazǵa» kompanııasymen Orynbor munaı óńdeý zaýytynan suıytylǵan munaı gazynyń qosymsha kólemin baǵyttaý týraly kelisilgenin aıtty.

Qazir elimizde respýblıkada aıyna 135 myń tonna suıytylǵan munaı gazy óndiriledi. Teńizshevroılmen ishki naryqqa aı saıyn 10 myń tonna gaz jetkizýge ýaǵdalastyq jasaldy.