Qazaqstan sút ónimderin molynan óndirse de, ımporttyń kólemi azaımaı otyr

ASTANA. QazAqparat – Energyprom.kz málimetinshe, keıingi bes jylda sút naryǵyndaǵy ımporttyń kólemi túspeı keledi, dep habarlaıdy QazAqparat tilshisi.

«Qazaqstanda sút ónimderiniń ımporty keıingi 5 jyl boıy joǵary deńgeıde qalyp otyr. 2022 jyly ishki naryqta 1 mln tonnadan asatyn sút ónimi satylǵan bolsa, sonyń 15,4% nemese 163,1 myń tonnasy ımport bolǵan. Shyn máninde ımporttyń úlesi budan da kóp bolýy múmkin. Óıtkeni made in Kazakhstan belgisimen dúken sórelerinde turǵan kóp ónimniń shıkizaty syrttan alynady», - dep jazylǵan saraptamada.

Energyprom.kz jazýynsha, mundaı tendentsııa keıingi bes jyldan beri ózgermegen.

«2017 jyly sút naryǵyndaǵy ımporttyń úlesi - 16%, 2018-2019 jyldary - 14,5% bolsa, 2020 jyly qaıta 16%-ǵa jetken. Osylaısha túbegeıli ózgeris baıqalǵan joq», - dep jazady resýrs.

Saraptamada sútti jáne aralas tuqymdy iri qara palatasynyń sarapshylary aıtqan paıym da berilgen.

Palata ókilderi Qazaqstanǵa sút ımportyn shekteý kerektigin aıtyp otyr.

«Ásirese Reseımen shektesetin óńirlerde kórshi eldiń sút ónimderiniń úlesi basym, baǵasy da jergilikti baǵadan tómen», - dep jazady Energyprom.kz.