Qazaqstan sýdıalarynyń jumystary jańasha baǵalanady

NUR-SULTAN. QazAqparat - Qazaqstanda qyrkúıekten bastap sýdıalardyń qyzmettik sapasyn baǵalaý qolǵa alynady. Bul týraly búgin sýdıalardyń keńeıtilgen keńesinde QR Joǵarǵy sotynyń tóraǵasy Jaqyp Asanov aıtty, dep habarlaıdy QazAqparat tilshisi.

«Sýdıa bolam deýshilerdiń sany bıyl 2 ese ósti. Buryn óz erkimen ketken sýdıalar ózgeristerdi kórip, qaıta sýdıa bolamyn dep konkýrstarǵa qatysýda. Tipti bala kútimine baılanysty demalysqa shyqqan áriptesterdiń ózi jaǵdaıdy kórip, jumysqa qaıta shyǵýǵa sheshim qabyldap jatyr», - dedi ol 2019 jyldyń 1 jarty jyldyǵyndaǵy sot tóreligin júzege asyrý qorytyndysy qaralǵan keńeste.

Sonymen qatar, ol búgingi qyzmette júrgen sýdıalarǵa qyrkúıek aıynan bastap baǵa berý qolǵa alynatyndyǵyn aıtty.

«Biz soǵan arnaıy komıssııa qurdyq. Іshimizdegi eń abyroıly sýdıalardy sonyń quramyna engizdik. Tamyz aıynyń ishinde júıemizdi, ádistememizdi bekitemiz. Sol ádisteme boıynsha árbir sýdıanyń qyzmettik sapasyna baǵa beretin bolamyz. Bıyldyń ózinde 434 sýdıa osy synaqtan ótedi. 2,5 aıdyń ishinde aýdandyq sottardyń 80 paıyzy osy baǵalaýdan ótýi kerek. Jalpy, sotty jańǵyrtamyz desek qolǵa alatyn eń basty másele - sýdıalyq kadrlar. Osy problemany túbegeıli sheshpesek, zań da, myqty sot reformasy da eshqandaı nátıje bermeıdi, jaǵdaıdy túzemeıdi», - dedi Jaqyp Asanov.