Qazaqstan sý tasqynynyń aldyn alý úshin golland jáne nemis tehnologııasyn qoldanady

<p>ASTANA. KAZINFORM — Sý resýrstary jáne ırrıgatsııa mınıstrligi sý tasqynyn boljaý jáne modeldeý boıynsha ozyq halyqaralyq tájirıbelerdi zerttep jatyr. </p>

Sý resýrstary jáne ırrıgatsııa mınıstrligi ozyq halyqaralyq tájirıbelerdiń negizinde sý tasqynyn taldaý, boljaý jáne modeldeýdiń​ tsıfrlyq sheshimderin beıimdeý boıynsha jumys atqarýda.

Mınıstrlik damyǵan memleketterdiń tájirıbesin zertteý arqyly TALSIM (Germanııa) jáne Delft-FEWS (Nıderland) júıelerin tańdap aldy.

Sý tasqynyn boljaýdyń tıimdiligi men dáldigin arttyrý úshin atalǵan ádisterdi biryńǵaı júıege biriktirý josparlanyp otyr.

Atalǵan júıe gıdrologııalyq jáne bult, ylǵaldylyq, jaýyn-shashyn sekildi aýa-raıy derekteriniń negizinde saraptama jasaıdy.

Qazirgi ýaqytta júıege Esil ózeni basseıniniń derekteri engizilip jatyr.

Aıta ketý kerek, aldaǵy ýaqytta elimizge Nıderlandtan júıeni ázirleýshi mamandar keledi.

Olar qazaqstandyq mamandarmen birge óńirdiń ereksheligi men suranysyn eskere otyryp, júıeni jergilikti jaǵdaıǵa beıimdeý múmkindikterin pysyqtaıdy.

«Júıeni ázirleý barysynda biz sý tasqynyn boljaý jáne aldyn alý baǵytynda tájirıbesi mol memleketterdi zerttedik. Osylaısha, germanııalyq TALSIM jáne nıderlandtyq Delft-FEWS júıelerin paıdalanyp, sý tasqynyn boljaý jáne modeldeýdiń tsıfrlyq balama quraly retinde pılottyq rejımde engizý jóninde sheshim qabyldadyq. Osy sheshimderdi paıdalaný — sý tasqynyn boljaý jáne aldyn alý múmkindigin arttyrýdaǵy mańyzdy qadam», — deıdi Sý resýrstary jáne ırrıgatsııa vıtse-mınıstri Aslan Abdraımov.