Qazaqstan stýdentteri respýblıkalyq onlaın-slette bas qosty
Іs-sharaǵa eldiń barlyq óńirinen 300-den astam jastar, sonyń ishinde 100-den astam TjKB men JOO janyndaǵy Jastar isi jónindegi komıtet tóraǵalary, jastar jáne stýdenttik uıymdardyń kóshbasshylary, jastarmen jumys departamentteriniń dırektorlary, JOO prorektorlary qosyldy.
QR Aqparat jáne qoǵamdyq damý mınıstrligi Jastar jáne otbasy saıasaty komıtetiniń tóraǵasy Shahmardan Baımanov stýdenttik qozǵalysty 15 jyldyǵymen quttyqtap, stýdent jastardyń eldiń damýyndaǵy mańyzdy rólin atap ótip, olardyń ózin-ózi basqarýyn damytý, jastardyń bastamalaryn qoldaý jáne ózge de júzege asyrylyp jatqan sharalar týraly aıtty.
Sonymen qatar, QR Parlamenti Májilisiniń depýtaty Gennadıı Shıpovskıh, «Atameken» UKP basqarma tóraǵasynyń orynbasary Oljas Ordabaev, ýnıversıtetter basshylyǵy jáne elimizdiń stýdent jastary kezdesip qazaqstandyq bilimdi damytý jáne zamanaýı syn-tegeýrinderdiń bilim sapasyna áserin, kadrlardyń biliktiligin kóterý, jas mamandardy jumyspen qamtý máselelerin jańa formatta ashyq talqylady.
Shara qorytyndysy boıynsha usynym ázirlenip, «Halyq únine qulaq asatyn memleket» tujyrymdamasy aıasynda memlekettik organdarǵa joldanatyn bolady.
Odan basqa, slet aıasynda «Eń úzdik jastardyń ózin-ózi basqarýy», «Debattyq týrnır» konkýrsynyń jeńimpazdary, «Qazaqstan altyn jastary» syılyǵynyń laýreattary jáne taǵy basqalary arnaıy syılyqtarmen, alǵys hattarmen marapattaldy.