Qazaqstan strategııalyq zertteýler ınstıtýty jańa talqylaý alańyn ashty

NUR-SULTAN. QazAqparat – Qazaqstan strategııalyq zertteýler ınstıtýty janynan «QSZI GPS: Gylym. Pikir. Sayasat» saraptama alańy ashyldy, dep habarlaıdy QazAqparat tilshisi.

Saraptama alańyndaǵy alǵashqy otyrysta «Memleket basshysynyń saıası reformalary» taqyryby talqylandy.

Moderator – QR Prezıdentiniń janyndaǵy QSZI dırektory Erkin Tuqymov óz sózinde talqylaý alańynyń jańa oı-pikirlerdi qalyptastyrýǵa jáne el damýy máseleleri boıynsha jańa ıdeıalardy izdeýge múmkindik beretinin atap ótti.

«Bizdiń búgingi basqosýymyz óte mańyzdy. Biz Ulttyq saraptama alańynyń alǵashqy otyrysyn ashamyz. Onyń ataýyn qazirgi zaman rýhynda, jańa Qazaqstannyń qurylýy kezeńinde «QSZI GPS» dep atadyq. ıAǵnı, bul Qazaqstannyń damýy úshin únemi jańa ıdeıalardy izdestirip júretinimizdi bildiredi. Ekinshi jaǵynan, qazaq tilinde GPS-ti «Gylym. Pikir. Sayasat» dep túsindirdik. Qazirgi ýaqytta qoǵam men bıliktiń únemi saraptamalyq dıalogqa jáne pikir almasýǵa múddeli ekeni baıqalady. Biz qandaı Qazaqstandy quryp jatyrmyz, barlyq qazaqstandyq jaqsy ómir súrýi úshin, Qazaqstan álemdik qoǵamdastyqtyń odan da tabysty múshesi bolýy úshin ne isteýimiz kerek jáne ne istep jatyrmyz? Osy máselelerdiń barlyǵy azamattardy qyzyqtyryp otyr», - dedi Erkin Tuqymov saraptamalyq alańnyń ashylýynda.

Alǵashqy jıynǵa QR Parlamenti Senatynyń depýtaty, Konstıtýtsııalyq zańnama, sot júıesi jáne quqyq qorǵaý organdary komıtetiniń múshesi Lázzat Súleımen, QR Parlamenti Májilisiniń depýtaty, «Aq jol» Qazaqstan demokratııalyq partııasynyń tóraǵasy Azat Perýashev, «AMANAT» partııasynyń hatshysy Dáýlet Káribek, QR Parlamenti Májilisiniń Tóraǵasy Ermuhamet Ertisbaev jáne basqalar qatysty.