Qazaqstan Statı áýletimen sottasýǵa 1 mlrd dollar jumsaǵany ras pa

<p>Ádilet mınıstri Azamat Esqaraev Statı isine jumsalatyn aqsha qalaı bólinetinin túsindirdi, dep habarlaıdy&nbsp;<a href="https://kaz.inform.kz/" target="_blank" rel="noopener">QazAqparat tilshisi.</a></p>

«Qazaqstan Statı áýletiniń bıznesmenderine qatysty sot protsesin júrgizip jatqanyna 13 jyl boldy. Jýyqta Anatol Statı suhbat berip, kezinde Qazaqstan 560 mln dollar óteýden bas tartqanyn, al 13 jyldaǵy sot protsesterine jumsaǵan shyǵyndary 1 mlrd dollarǵa jaqyndap qalǵanyn málimdedi. Bul aqparat ras pa? Qazaqstandyqtardyń salyǵynan bul iske qansha aqsha shyǵyndaldy?»,– dep surady jýrnalıst Ortalyq kommýnıkatsııalar qyzmetinde ótken brıfıngide.

Mınıstrdiń aıtýynsha, ol málimet jalǵan ekenin aıtty

«Shyn máninde bul aqparatty birden teristeı alamyn. Eshqandaı da 1 mlrd dollar shyǵyn týraly áńgime joq. Shyn máninde bul shyndyqqa janaspaıtyn málimet.

Jalpy Statı isi biz úshin sonshalyq úlken is emes. Ony qoldan úlkeıtip kórsetýdiń qajeti joq. Bul – qalypty tórelik daý, qatardaǵy kóp isterdiń biri. Bizde ondaı ister kóp. Kóp emes, ondaı birneshe is bar. Shyǵyndar týraly aıtsaq, jyl saıyn bıýdjetke ashyq túrde engizilip, respýblıkalyq bıýdjetpen qabyldanady. Al Parlament respýblıkalyq bıýdjetti ashyq tártippen qabyldaıtynyn bilesiz. Bul turǵyda jabyq aqparat joq», – dedi vedomstvo basshysy.