Qazaqstan sporttyq baǵdarlamalaý ınfraqurylymyn damytýǵa ınvestıtsııa tartýǵa nıetti

<p>ASTANA. KAZINFORM &mdash; Sporttyq baǵdarlamalaý sporttyń basym túrleriniń respýblıkalyq tizimine engizilmekshi. Bul týraly QR TsDIAÓM baspasóz qyzmeti málim etti.</p>

Qazaqstan Respýblıkasynyń Týrızm jáne sport mınıstrligi men Qazaqstan Respýblıkasynyń Tsıfrlyq damý, ınnovatsııalar jáne aeroǵarysh ónerkásibi mınıstrligi sporttyq baǵdarlamalaý salasynda ózara yntymaqtastyq týraly Memorandýmǵa qol qoıdy. Bul yntymaqtastyqtyń maqsaty — jastar arasynda sporttyq baǵdarlamalaýdy nasıhattaý jáne ony Respýblıkadaǵy basym sport túrleriniń tizimine engizý.

«Taraptar bul pándi birlesip damytýǵa, bilim berý baǵdarlamalaryna ıntegratsııalaýǵa, jas mamandardy IT salasyna tartýǵa arnalǵan jarystar men is-sharalardy ótkizýge kelisim jasady. Sonymen qatar, Qazaqstanda sporttyq baǵdarlamalaý ınfraqurylymyn damytýǵa ınvestıtsııalar men resýrstardy tartý úshin jaǵdaı jasaý josparlap otyr», — delingen habarlamada.

Memorandým bilim berý mekemelerin qoldaý jáne IT sektoryndaǵy adamı kapıtaldy nyǵaıtýǵa arnalǵan birlesken bastamalardy ázirleýdi de qarastyrady.