Qazaqstan sportshylarynyń ótken aptadaǵy jetistigi

NUR-SULTAN. QazAqparat – QR Mádenıet jáne sport mınıstrligi ótken aptada elimiz sportshylarynyń iri halyqaralyq týrnırlerdegi jeńisi týraly málim etti, dep habarlaıdy QazAqparat.

Ótken jeti kúnde Qazaqstan sportshylary birneshe ret qurmet tuǵyryna kóterilip, elimiz Ánurany álemniń túrli núktelerinde shyrqaldy.

Kúres

Rımde (Italııa) ótip jatqan U-17 álem chempıonatynda Daryn Áskerbek (55 kelige deıin) jáne Kamı Kýrýglıev (92 kelige deıin) erkin kýresten altyn medal jeńip aldy, Arsen Juma (48 kelige deıin) jáne ıÝsýf Ashrapov (60 kelige deıin) grek-rım kúresinen qola medal jeńip aldy, Alına Ertóstik 73 kelige deıin qyzdar arasynda úshinshi boldy.

Sondaı-aq osy jyldyń 26 shildesinde Varshavada (Polsha) áıelder kúresinen halyqaralyq týrnır ótti. Týrnır qorytyndysy boıynsha Marına Qaıpanova-Sedneva (55 kelige deıin) kúmis, al Dıana Qaıýmova (59 kelige deıin) qola júlde jeńip aldy.

Shahmat

Úndistanda shahmat olımpıadasy jalǵasýda. Úshinshi raýndta Qazaqstannyń áıelder jáne erler quramasy jeńiske jetti. Áıelder komandasy Perýdi 3:1 esebimen jeńdi. Bıbisara Asaýbaeva, Ksenııa Balabaeva jáne Gúlishan Nahbaeva jeńis tuǵyrynan kórinse, Nazerke Nurǵalı jeńilip qaldy.

Sonymen qatar erler quramasy Lıvandy 4:0 esebimen jeńdi. Qazaqstan Qytaı Taıbeıin 3:1 esebimen jeńip, Tájikstannan 1,5: 2,5 bolyp utyldy.

Tennıs

Qazaqstandyq tennısshi Anna Danılına juptyq synda WTA 250 BNP Paribas Poland Open serııasyndaǵy týrnırdiń jeńimpazy atandy.

Kerlıng

Almatyda aralas juptar arasynda kerlıngten 22-shi Álem kýbogy ótti. Ulttyq quramanyń qorjynynda altyn (Ádil Jumaǵoja, Angelına Ebaýer), kúmis (Dmıtrıı Garagýl, Elızaveta Ýtochko) jáne qola (Muzdybaı Qudaıbergenov jáne Regına Ebaýer) bar.

Foto : gov.kz