Qazaqstan sportshylarynyń bıylǵy jetistikteri qandaı
Sonyń ishinde Olımpıadalyq sport túrleri boıynsha qazaqstandyq sportshylar 373 júldege qol jetkizdi, atap aıtqanda, 121 – altyn, 111 – kúmis jáne 141 – qola medal.
Olımpıadalyq emes sport túrlerinen 118 medal tústi. Onyń ishinde 53 – altyn, 38 – kúmis, 27 – qola medal.
95 júldeni otandyq parasportshylar jeńip aldy. Paralımpıadalyq sport túrleri boıynsha QR quramasynyń qorjyny 33 altyn, 33 kúmis jáne 27 qola medalmen tolyqty.
«Bizdiń sportshylar el aýmaǵynda jáne shet memleketterde ótetin halyqaralyq jarystarda elimizdiń atynan laıyqty óner kórsetip keledi. Osy rette, bokstan qurama komandanyń Tashkentte ótken álem chempıonatynda 4 altyn jáne 1 kúmis medal jeńip alyp, jalpykomandalyq 2-orynǵa ıe bolǵanyn atap ótken jón. Sondaı-aq Italııada ótken álem chempıonatynda semserlesýshi Rýslan Qurbanov Qazaqstan tarıhynda birinshi bolyp qola medal ıelendi. Sonymen qatar, karateden Azııa chempıonatynda jalpykomandalyq birinshi oryndy, mergenderimizdiń reıtıngtik álem kýbogynyń medaldyq esebindegi birinshi ornyn úlken maqtanyshpen atap ótýge bolady»,- dedi QR MSM Sport jáne dene shynyqtyrý isteri komıtetiniń tóraǵasy Erbol Myrzabosynov.