Qazaqstan sportshylary halyqaralyq jarys aldynda psıhologııalyq daıyndyqtan ótetin boldy

ASTANA. QazAqparat – Qazaqstanda alǵash ret sportshylardy halyqaralyq jarystarǵa psıhologııalyq daıyndaý máselesine arnalǵan konferentsııa ótti. Bul týraly Mádenıet jáne sport mınıstrligi Sport jáne dene shynyqtyrý isteri komıtetiniń Sportty damytý dırektsııasynan málim etti, dep habarlaıdy QazAqparat.

Іs-sharaǵa qatysýǵa 150-den astam adam nıet bildirgen, olardyń arasynda bapkerler, sportshylar, ulttyq quramalardyń dárigerleri jáne osy salanyń ózge de qyzmetkerleri bar.

Ázerbaıjan memlekettik sport jáne dene shynyqtyrý akademııasynyń sport psıhologııasy boıynsha okytýshysy, psıholog Narmın Ahmedzade Astanaǵa arnaıy kelip, óz tájirıbesin ortaǵa saldy.

«Byltyr QR Mádenıet jáne sport mınıstrliginiń Sport jáne dene shynyqtyrý isteri komıtetiniń Sportty damytý dırektsııasyna federatsııanyń bas bapkerleri esep bergen bolatyn. Otyrysta aldaǵy jylǵa arnalǵan josparlar talqylanyp, otandyq sportqa psıhologııa salasy jetispeıtini belgili boldy. Bolashaqta bul jumys tyǵyz jáne jemisti júrgizilýi kerek. Bıyl bizdi 6 keshendi jarys kútip tur, olardyń ishinde eń bastysy Qytaıdaǵy jazǵy Azııa oıyndary. Búgingi arnaıy qonaǵymyzdyń kelýi Parıj-2024 Olımpıadasynyń daıyndyǵyna zor yqpal tıgizedi», - dedi Sportty damytý dırektsııasynyń dırektory Oralbaı Jaqsymbetov.

Eki kúnge sozylǵan bas qosý barysynda jarys kezinde atletterdi qalpyna keltirý, psıhologııa negizderine arnalǵan zamanaýı ádister týraly áńgime órbidi.

Konferentsııa sońynda keleshekte birlesip atqaratyn jumystarǵa usynystar qarastyrylyp, ortaq sheshimder naqtylandy.