Qazaqstan sportshylary bokstan Azııa chempıonatynda 13 altyn medal aldy

NUR-SULTAN. QazAqparat - Iordanııa astanasy Amman qalasynda bokstan jastar men jaóspirimder arasynda Azııa chempıonatynda Qazaqstan quramasy jalpy komandalyq esepte úshinshi oryn aldy, dep habarlaıdy QazAqparat tilshisi.

Qazaqstandyq sportshylar 13 altyn, 14 kúmis, 17 qola medal aldy. Nátıjesinde úshinshi orynǵa turaqtady.

Kósh basynda turǵan Ózbekstannyń 20 altyn, 16 kúmis, 7 qola medali bar. Ekinshi orynǵa 15 altyn, 10 kúmis, 18 qola medalmen Úndistan jaıǵasty.

Eske salsaq, jastar arasynda Egor Egorov (71 keli), Temirlan Muqataev (86 keli), Tomırıs Myrzaqul (52 keli), Vıktorııa Baıdýkova (54 keli), Uljan Sársenbek (57 keli), Baqyt Seıdish (66 keli), Kamıla Bajbenova (81 keli) altynnan alqa taqty.

Al jasóspirimderde Aıdar Qadyrhan (52 keli), Tórehan Sabyrhan (57 keli), Ahmet Úsen (63 keli), Sanjar-Álı Begalıev (66 keli), Arýjan Jańabaeva (66 keli) jáne Kuralaı Eginbaıqyzy (80 keli) chempıon atandy.