Qazaqstan sportshylary Belgradtaǵy boks týrnırinen 12 medal jeńip aldy

NUR-SULTAN. QazAqparat - Belgradta (Serbııa) «Belgradtyq jeńimpaz» Branko Peshıch memorıaly halyqaralyq týrnırinde shırek fınal aıqasy ótti. Onyń qorytyndysy boıynsha Qazaqstan quramasyndaǵy júldegerler anyqtaldy, dep habarlaıdy QazAqparat Sports.kz-ke silteme jasap.

Qola júldeni Temirtas Júsipov (51 kg), Qýanysh Dúısenbaı (51 kg), Oljas Baınııazov (54 kg), Dáýlet Moldashev (54 kg), Orazbek Asyqulov (57 kg), Samatalı Tóltaev (60 kg), Muhammedsabyr Bazarbaıuly (63,5 kg), Dáýlet Nysan (67 kg), Nurjan Amankeldi (71 kg), Armat Armanuly (71 kg), Ilıar Ashırov (75 kg) jáne Madı Amırov (86 kg) alady.

Sondaı-aq Madı Amırov jartylaı fınaldaǵy aıqas ótkizip úlgerdi, biraq fınalǵa óte almady - ol ýkraınalyq boksshy Sergeı Gorskovtan jeńilip qaldy.