Qazaqstan «Soıýz MS-11» ǵarysh kemesin qondyrýǵa daıyndalýda

NUR-SULTAN. QazAqparat - 2019 jyldyń 25 maýsymynda Nur-Sultan ýaqyty boıynsha 8 saǵat 48 mınýtta basqarylatyn kóliktik «Soıýz MS-11» apparatynyń qondyrylýy kútilýde, dep habarlaıdy «QazAqparat» HAA tilshisi.

Roskosmos baspasóz qyzmetiniń derekterine qaraǵanda, reseılik ǵaryshker Oleg Kononenko men ǵaryshker Enn Makkleın (NASA) jáne Devıd Sent-Jak (Kanada ǵarysh agenttigi) kapsýlasy Qazaqstannyń Jezqazǵan qalasynan ońtústik-shyǵysqa qaraı 140 km jerde qonýy kerek.

«Soıýz MS-11» ǵarysh kemesiniń halyqaralyq ekıpajynyń izdestirý-qutqarý jumystaryn qamtamasyz etetin Ortalyq áskerı okrýgi (OÁO) meteorologtarynyń habarlaýynsha, qoný josparlanǵan aýmaqta aýa raıy jaýyn shashynsyz, bulttylyqtyń tómengi shegi - 2000 m, aýa temperatýrasy + 30 gradýstan sál joǵary bolady.

Іzdestirý-qutqarý jumystaryna Ortalyq áskerı okrýginiń 200-ge jýyq áskerı qyzmetkeri, 12 Mı-8 tikushaǵy, tórt ushaq (An-12 jáne An-26) jáne 20 tehnıka, sonyń ishinde alty izdeý-evakýatsııalaý quraldary tartylady.