Qazaqstan sot ákimshiligi salasyndaǵy halyqaralyq yntymaqtastyqty nyǵaıtady

<p>SINGAPÝR. KAZINFORM - Qazaqstan Sıngapýrde ótken sot ákimshiligi jónindegi halyqaralyq konferentsııada sot júıesin reformalaýdaǵy jetistikterin tanystyrdy. Bul týraly Joǵarǵy sottyń baspasóz qyzmeti málim etti.&nbsp;</p>

Konferentsııa jumysyna 5 qurlyqtyń 53 elinen 240 delegat qatysty. Qazaqstannyń Sot ákimshiligi men Halyqaralyq sot ákimshiligi qaýymdastyǵy (IACA) yntymaqtastyqtyń jańa kezeńi týraly memorandýmǵa qol qoıdy.

MASA prezıdenti Lýıs Marııa Palma men Qazaqstan Sot ákimshiliginiń basshysy Naıl Ahmetzakırov qol qoıǵan qujat álemdik, ozyq praktıkany engizýge baǵyttalǵan seriktestiktiń kelesi kezeńin bildiredi.

Sondaı-aq, Konferentsııa aıasynda Qazaqstan delegatsııasy sot isin júrgizýdi tsıfrlandyrý, sot tóreliginiń qoljetimdiligi men protsesterdiń ashyqtyǵyn arttyrýdaǵy tabysty tájirıbesimen bólisti.

Azamattardyń sot júıesine senimin nyǵaıtýǵa kómektesetin jańa tehnologııalardy engizýge erekshe nazar aýdaryldy.

Baǵdarlamanyń erekshe bólimi Sıngapýr Joǵarǵy sotynyń tóraǵasy Sýndarash Menonmen kezdesý boldy. Kelissózder tsıfrlandyrý jáne sot ákimshiligin jetildirý salasyndaǵy birlesken bastamalarǵa ákelmek.

                                                                                                                                                                                                                                     Dına Ǵalymjanqyzy