Qazaqstan sońǵy 30 jylda damýdyń úlken jolyn júrip ótti – Laslo Kever

NUR-SULTAN. QazAqparat – Qazaqstan damýdyń úlken jolynan ótti. Mundaı pikirdi Eýrazııa elderi parlamentteri tóraǵalarynyń IV Keńesine qatysýǵa kelgen Vengrııa Parlamentiniń spıkeri Laslo Kever aıtty, dep habarlaıdy QazAqparat tilshisi.

«Qazaqstan sońǵy 30 jyl boıy úlken damý joly men protsesin bastan ótkerdi. 1990 jyldan keıin Vengrııa da demokratııalyq damý jolyna túsken edi. Biz de óte uzaq joldan óttik. Qazaqstannyń turaqtylyq ári tabys deńgeıine zor qurmetpen qaraımyn. Ár eldiń óz mádenıeti men dástúri, demokratııa men parlamentarızmge qol jetkizýde ártúrli joly bar. ıAǵnı, ár eldiń ózindik modeli bar ekenin aıtqym keledi. Birde-bir modeldi, birde-bir úlgini biz basshylyqqa alyp, ilgerileı almaımyz. Ár eldiń óz joly, óz damý protsesi bar», - dedi ol BAQ ókilderine bergen suhbatynda.

Sonymen qatar ol jalpy Parlamenttiń róline qatysty oıymen bólisti.

«Parlament róli barlyq ýaqytta da tarıhı sátke baılanysty. Máselen, Vengrııada demokratııanyń alǵashqy jyldarynda Parlament róli zań shyǵarmashylyq salada júrgizildi. Ol kezde biz jańa zańdar qabyldaýymyz qajet edi. Sál keıinirek, protsesimizdiń ekinshi jartysynda baqylaý protsesine kóship, atqarýshy organdardyń qyzmetin qadaǵaladyq. Depýtattar barlyq ýaqytta da óz saılaýshylarynyń múddesin qorǵaýy tıis», - dedi Laslo Kever.