Qazaqstan Soltústik Koreıa máseleleri boıynsha BUU Qaýipsizdik Keńesiniń mınıstrlik debattaryna qatysty
Pikirtalastarǵa Keńeske múshe elderdiń syrtqy saıası mekeme basshylary: AQSh Reks Tıllerson, Japonııa - Fýmıo Kıshıda, Senegal - Manker Ndıaıe, Qytaı - Van I, Ulybrıtanııa - Borıs Djonson, Efıopııa - Vorkneh Gebeıhý, Shvetsııa men Italııa mınıstrleriniń orynbasary - Annıka Soder jáne Benedetto della Vedova qatysty. Qazaqstandyq delegatsııany Syrtqy ister mınıstri Qaırat Ábdirahmanov bastap bardy.
Sóz sóıleýshiler Soltústik-Shyǵys Azııa aımaǵyndaǵy áskerı jaǵdaıdyń ýshyǵý qaýpine baılanysty alańdaýshylyq bildirdi. Koreı Halyq Demokratııalyq Respýblıkasynyń HHІ ǵasyrda ıadrolyq synaqtar júrgizgen álemdegi jalǵyz el ekeni atalyp ótti jáne halyqaralyq qaýymdastyqty «Soltústik Koreıanyń arandatýshylyǵyna ermeýge», jahandyq saldarǵa ákep soǵatyn «jańsaqtyq pen túsinispeýshilikterge» jol bermeýge shaqyrdy.
Memlekettik hatshy R.Tıllerson «Soltústik Koreıaǵa ekonomıkalyq jáne dıplomatııalyq qysym kórsetýdiń barlyq sharalaryn kúsheıtýdi, onyń ishinde ekonomıkalyq sanktsııa salý, Phenıanmen saýda jáne dıplomatııalyq qarym-qatynastarǵa shekteý qoıý qajettigin» aıtty. «Sonymen birge, AQSh máseleniń qarýly jolmen sheshýdi de joqqa shyǵarmaıdy», - dedi Tıllerson.
Frantsııa men Ulybrıtanııa da Phenıannyń óz ıadrolyq baǵdarlamasynan bas tartýy úshin KHDR qatysty shekteý sharalaryn edáýir kóbeıtýdi maquldady. Qaýipsizdik Keńesiniń ózge turaqty músheleri Reseı men Qytaı álemdik qaýymdastyqqa kúsh sharalary Koreı túbegine ǵana men tutas Soltústik-Shyǵys Azııa aımaǵy úshin múldem qolaısyz ekenin jáne apatty saldarǵa ákep soǵýy múmkin ekenin eskertti. Osyǵan baılanysty Qytaı óziniń eki trekti formýlasyn usyndy, onda denýklearızatsııa men parallel beıbitshilik protsesine baǵyttalǵan sharalar kesheni bar. Reseı altytaraptyq kelissózderdi qaıta jandandyrý qajettigin aıtty jáne Qytaı usynysyn qoldady.
QR Syrtqy ister mınıstri Q.Ábdirahmanov qatysýshylarǵa qarýsyzdaný, ıadrolyq qarýdy taratpaý men ıadrolyq qaýipsizdik - Qazaqstannyń syrtqy saıasatynyń negizgi basymdyqtary qatarynda ekenin atap ótti. Mınıstr BUU QK-nyń osyǵan qatysty barlyq qararyn buza otyryp KHDR-dyń zymyran synaqtaryn júrgizýi Koreı túbegindegi jaǵdaıdyń ýshyǵýyna ákelip soǵýyna alańdaýshylyq bildirdi. Qazaqstan qalyptasqan kúrdeli jaǵdaıdyń jyldam ári beıbit jolmen sheshilýi úshin altytaraptyq kelissózderdi qaıta jandandyrýǵa jáne ózge de saıası-dıplomatııalyq sharalar júrgizýge nıetti QK múshelerin qoldaıdy.