Qazaqstan Syrtqy ister mınıstri Mınsk qalasyna saparlaıdy

<p>ASTANA. KAZINFORM &ndash; Qazaqstan Syrtqy ister mınıstri Murat Nurtileý Táýelsiz Memleketter Dostastyǵy mınıstrleri keńesiniń otyrysyna qatysady. Bul týraly Syrtqy ister mınıstrliginiń resmı ókili Aıbek Smadııarov aıtty.</p>

«2024 jylǵy 12 sáýirde Mınsk qalasynda Qazaqstan Respýblıkasy Premer-Mınıstriniń orynbasary – Syrtqy ister mınıstri Murat Nurtileý Táýelsiz Memleketter Dostastyǵy Syrtqy ister mınıstrleri keńesiniń kezekti otyrysyna qatysady. Іs-shara barysynda óńirlik jáne halyqaralyq kún tártibiniń ózekti aspektilerin, TMD aıasyndaǵy ózara is-qımyldyń jaı-kúıi men perspektıvalaryn talqylaıdy», - dedi A. Smadııarov vedomstvodaǵy aptalyq baspasóz máslıhatynda.

Syrtqy ister mınıstrleri keńesiniń otyrysynda saıası jáne mádenı-gýmanıtarlyq salalardaǵy, týrızm jáne sport salasyndaǵy ózara is-qımyldy nyǵaıtýǵa baǵyttalǵan birqatar sheshimder qabyldaý, sondaı-aq TMD memleketteri basshylarynyń qaraýyna engizý úshin qujattardyń jobalaryn maquldaý eskerilgen.

«Sonymen qatar, syrtqy saıası vedomstvolarynyń basshylary birqatar birlesken málimdemeler qabyldaýdy josparlap otyr», - dedi resmı ókil.