Qazaqstan Sırııadan azamattardy qaıtarý arqyly qaýipsizdik máselelerin sheship otyr - Erlan Qarın
«Bul - úlken mańyzdy gýmanıtarlyq is-shara. Sebebi, áskerı is-qımyldar, úlken qaqtyǵystar oryn alyp otyrǵan aımaqtan bizdiń azamattardy elge qaıtarý - ártúrli mekemelerdiń birlesken qajyrly eńbegin talap etken aýqymdy is-shara boldy. Bul jumysty bizdiń tıisti organdar joǵary dárejede uıymdastyra bildi. Eń bastysy, qaqtyǵys aımaǵynan, ásirese áıelder men balalardyń qaıtarylýy - úlken saýapty is. Óıtkeni, azamattardyń ol aımaqqa ne sebepti, qandaı maqsatta barǵany bir bólek áńgime bolsa, áıelder men balalar kóp jaǵdaıda belgili bir jaǵdaılardyń saldarynan, amaldyń joqtyǵynan, óz tańdaýynsyz, óz erikterinen tys sondaı jaǵdaılarǵa dýshar boldy», - deıdi saıasattanýshy.
Erlan Qarınnyń aıtýyna qaraǵanda, memleket tarapynyń osyndaı jaǵdaılarǵa túsinistikpen qarap, tez arada azamattarynyń elge qaıtarylýyn qamtamasyz etýi - bizdiń memlekettiń óz azamattaryna degen jaýapkershiligin bildiredi.
«Negizinen bul sharanyń uıymdastyrylýy qaı jaǵynan bolsa da, durys boldy. Sebebi, qaqtyǵys aımaǵynan azamattardy, ásirese balalardy alyp kelý - radıkaldy kúshterdiń bizdiń elge qarsy áreketteri men múmkindikterin azaıtyp otyr. Qansha degenmen óz azamattarymyzdy elge qaıtaryp, beıimdeý múmkindigine ıe boldyq. Biz osylaısha, gýmanıtarlyq máselelermen birge qaýipsizdik máselelerin de sheship otyrmyz», - deıdi ol.
Saıasattanýshy óz sózinde atap ótkendeı, qaqtyǵys bolyp jatqan aımaqtardan oralǵan azamattar belgili bir ýaqyt aralyǵynda karantınde bolady. ıAǵnı olar beıimdeý ortalyqtaryna ornalastyrylady.
«Osy ýaqyt ishinde bir jaǵynan medıtsına qyzmetkerleri qaıtarylǵan azamattardyń densaýlyǵyna baqylaý jasaıdy. Óıtkeni, ınfektsııalar nemese ártúrli juqpaly aýrýlary barlar bolýy múmkin. Sondyqtan, bir aı ishinde tıisti baqylaý jasaý kezinde qandaı da bir medıtsınalyq kómek qajet bolatyn bolsa, sol kómekter kórsetilip, psıhologtar men teologtar, basqa da mamandardyń birlesken jumysy júrgizilýi kerek. Sodan keıin olardyń qujat máselesi bar. Olar óz eline bos qolmen kelip otyr. Keıbir balalardyń kerek deseńiz, tıisti qujattary da joq. Sondyqtan, osyndaı máselelermen tıisti mamandar aınalysady. Bul qaı jaǵynan bolsa da, durys qadam. Árıne, bul rette bizdiń arnaýly qyzmetterdiń de eńbegin atap ótý kerek. Joǵary deńgeıdegi halyqaralyq operatsııanyń uıymdastyrylýy bizdiń áskerı arnaýly qyzmetterdiń biliktiligin, daıyndyqtaryn da kórsetip otyr», - deıdi Erlan Qarın.
Eske sala ketsek, búgin Qazaqstan Prezıdenti Nursultan Nazarbaev Qazaqstan azamattaryn Sırııadan evakýatsııalaýǵa baılanysty málimdeme jasaǵan bolatyn. Memleket basshysy óz sózinde atap ótkendeı, 6 qańtarda quqyq qorǵaý organdary men Syrtqy ister mınıstrligi júrgizgen gýmanıtarlyq shara nátıjesinde Sırııadan 47 azamatymyz, sonyń ishinde 30 bala elimizge qaıtarylǵan.