Qazaqstan Sırııa máselesi boıynsha Jeneva alańynyń ornyn basýǵa umtylmaıdy – saıasattanýshy
«Qazaqstan qandaı da bir ózge alańnyń ornyn basýǵa úmitker bolmaıdy. Astanadaǵy alań Jeneva aıasynda ótip jatqan protsesti tolyqtyrady. Sondyqtan olardyń arasynda báseke joq, olar bir baǵytta sınhrondy áreket etedi. BUU-nyń arnaýly ókili Astana protsesine qatysady jáne BUU tarapynan moderatorlyq etedi. Qandaı da bir aýystyrý joq. Barlyǵy da ýaǵdalasýshy taraptyń qalaýyna baılanysty. Eger olar oryn retinde Qazaqstan astanasyn tańdasa, nege bolmasqa? Olar qandaı da bir basqa alańdy tańdaýy da múmkin. Qazaqstan úshin protsestiń ilgerileýi jáne jemisti bolýy mańyzdy, biraq, oryn turǵysynda emes», - degen ol Astana protsesiniń eksklıýzıvti alań bolýyna Qazaqstan qarsy emestigin de atap ótti.
Aıta keterligi, búgin RF Prezıdentiniń Sırııa jónindegi arnaýly ókili Aleksandr Lavrentev Sırııa konstıtýtsııalyq komıtetiniń otyrysyn Jenevadan kóshirý máselesine qatysty pikir bildirgen edi.
«Biz Jenevadan Konstıtýtsııalyq komıtet alańyn kóshirýge múddeli ekenimizdi bildirdik. Bul rette kóp jaǵdaı kepilger elderdiń tikeleı sheshimine baılanysty. Másele tek tehnıkalyq jáne logıstıkalyq sıpatta ǵana emes, munyń saıası syry da bar», - degen edi ol.