Qazaqstan-Sıngapýr tikeleı áýe reısin ashý boıynsha kelissózder júrip jatyr

ASTANA. QazAqparat – Qazaqstandyq tarap Sıngapýrmen arada tikeleı áýe reısin ashý boıynsha kelissózder júrgizip jatyr, dep habarlaıdy QazAqparat tilshisi.

QR Qarjy mınıstrliginiń baspasóz qyzmetinen habarlaǵandaı, Premer-Mınıstrdiń orynbasary-Qarjy mınıstri Erulan Jamaýbaev Sıngapýrǵa sapary aıasynda «Changi Airport Group» kompanııasynyń bas dırektory Lı Seý Hıanmen kezdesti. Júzdesý barysynda Sıngapýr-Qazaqstan tikeleı áýe reısin ashý múmkindikteri talqylandy.

Aıta ketý kerek, Changi áýejaıy Sıngapýrdyń negizgi áýe qaqpasy sanalady. Ol - jolaýshylarǵa qyzmet kórsetý júktemesi boıynsha álemdegi altynshy, al Azııa kóleminde ekinshi áýejaı.

Sonymen qatar, kezdesý barysynda sıngapýrlyq tarap Qazaqstanda júrgizilip jatqan reformalardyń arqasynda eki el arasynda qolaıly ınvestıtsııalyq ahýal ornaǵanyn atap ótti.