Qazaqstan SІM basshysy Túrki akademııasynyń Prezıdentimen kezdesti

NUR-SULTAN. QazAqparat - Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi Túrki akademııasynyń Prezıdenti Darhan Qydyrálimen kezdesti, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

Darhan Qydyráli Akademııanyń qatysýshy eldermen jáne halyqaralyq uıymdarmen, atap aıtqanda BUU, ıÝNESKO, ISESKO, KOMSTEK-pen júrgizilip jatqan jumysy jáne yntymaqtastyqty damytý týraly habardar etti. Ol sondaı-aq Akademııanyń Ahmet Baıtursynovtyń 150 jyldyǵyna, Názir Tórequlovtyń 130 jyldyǵyna jáne Muhtar Áýezovtiń 125 jyldyǵyna arnalǵan is-sharalarǵa qatysý josparlary týraly aıtyp, bıyl túrki áleminiń rýhanı astanasy - Túrkistan qalasynda Túrkologııanyń dúnıejúzilik kongresin ótkizýge daıyndyq barysy týraly habarlady.

Mınıstr Akademııanyń qatysýshy elderdiń ǵylymı jáne mádenı-gýmanıtarlyq yntymaqtastyǵyn ilgeriletýdegi belsendi jumysyn joǵary baǵalady.

Kezdesýge Túrki memleketteri uıymy janyndaǵy Aqsaqaldar keńesiniń múshesi I.Adyrbek te qatysty.

Túrki akademııasy 2010 jyly 25 mamyrda Qazaqstannyń bastamasymen qurylyp, qazirgi ýaqytta túrkologııanyń halyqaralyq tanylǵan ǵylymı ortalyǵyna aınaldy. Akademııaǵa múshe elder: Ázerbaıjan, Qazaqstan, Qyrǵyzstan jáne Túrkııa. Majarstan baıqaýshy mártebesine ıe. Halyqaralyq uıymnyń shtab-páteri Nur-Sultan qalasynda ornalasqan.