Qazaqstan SІM basshysy Máskeýde dıpkorpýspen kezdesý ótkizdi

MÁSKEÝ. QazAqparat – TMD Syrtqy ister mınıstrleriniń keńesine qatysý sheńberinde Qazaqstan Premer-Mınıstriniń orynbasary – Syrtqy ister mınıstri Muhtar Tileýberdi Máskeýdegi rezıdentsııasymen Qazaqstan Respýblıkasynda akkredıttelgen 52 shet memleketterdiń dıplomatııalyq ókildikteriniń basshylarymen kezdesý ótkizdi. Bul týraly QazAqparat QR SІM baspasóz qyzmetine silteme jasap habarlaıdy.

«Qazirgi kúrdeli jaǵdaıda biz elimizdi jańǵyrtý strategııasyn dáıektilikpen júrgizip jatyrmyz. Búginde saıası reformalardyń úshinshi kezeńi iske asyrylýda, onyń sheńberinde qoǵamdy demokratııalandyrýǵa baǵyttalǵan birqatar zańdar qabyldanatyn bolady. Qazaqstan óz egemendiginiń tórtinshi onjyldyǵyna kiredi», - dedi M.Tileýberdi. Mınıstr óz sózinde Qazaqstannyń sheteldik seriktestermen yntymaqtastyqty damytýǵa zor mán beretinin jáne ózara is-qımyldy odan ári keńeıtýge daıyn ekenin atap ótti. Sonymen qatar, ol Qazaqstannyń basty basymdyqtarynyń biri kólik áleýetin ilgeriletý jáne elimizdiń álem óńirlerimen baılanysyn qamtamasyz etý bolyp tabylatynyn atap ótti.

Kezdesýge kelesi elderdiń dıplomatııalyq ókildikteriniń basshylary qatysty: Avstralııa, Aljır, Angola, Argentına, Bangladesh, Benın, Bosnııa jáne Gertsegovına, Býrkına Faso, Gana, Gvatemala, Grenada, Danııa, Djıbýtı, Jańa Zelandııa, Zambııa, Zımbabve, Irlandııa, Islandııa, Kenııa, Kıpr, Kolýmbııa, Kongo, Koreı Halyq Demokratııalyq Respýblıkasy, Kot-d'Ivýar, Laos, Lıýksembýrg, Madagaskar, Malı, Moldova, Namıbııa, Nepal, Nıkaragýa, Panama, Paragvaı, Perý, Senegal, Sırııa, Slovenııa, Sýdan, Serra-Leone, Tanzanııa, Týnıs, Ýganda, Ýrýgvaı, Fılıppın, Chad, Chernogorııa, Chılı, Shrı-Lanka, Ekvador, El-Salvador jáne Erıtreıa.