Qazaqstan Sıandaǵy kórmede óz ónimderin usyndy

ASTANA. QazAqparat - Qazaqstannyń Qytaıdaǵy saýda-ekonomıkalyq mıssııasy Sıan qalasynda ótken jyl saıynǵy VII Halyqaralyq satyp alý kórmesiniń bir bóligine aınaldy, dep habarlaıdy Qazaqstannyń Syrtqy saýda palatasynyń baspasóz qyzmeti.

Qytaılyq kompanııalar aýylsharýashylyq ónimderiniń ımportyna, qazaqstandyq maı men balyqqa qyzyǵýshylyq tanytýda. Sebebi, Aspan asty eline un óndirýshilerdi qosa alǵanda, dál osy tamaq ónimderimen aınalysatyn kompanııalar barǵan bolatyn. Qytaılyq taraptan 30-dan astam kompanııalar qatysty.

Saýda-ekonomıkalyq mıssııasyn QR Investıtsııalar jáne damý mınıstrligi, «Atameken» Ulttyq kásipkerler palatasy, Qazaqstannyń Syrtqy saýda palatasy jáne Qytaıdyń Halyqaralyq saýdany damytýǵa járdemdesý komıteti uıymdastyrdy.

Іs-shara barysynda eki eldiń bıznes-qaýymdastyqtary ınvestıtsııa, logıstıka jáne saýda salalaryndaǵy ekijaqty yntymaqtastyqtyń keleshegi zor máselelerin talqylady.

   

Osyǵan deıin Sıan men qazaqstandyq qalalardyń biriniń arasynda dostyq qarym-qatynas ornatý týraly kelisimge qol jetkizilgendigin jazǵanbyz.