Qazaqstan Sı Tszınpınniń «adamzattyń ortaq taǵdyry» qoǵamdastyǵy ıdeıasyn joǵary baǵalaıdy

<p>ASTANA. KAZINFORM &ndash; Qazaqstan Sı Tszınpınniń &laquo;adamzattyń ortaq taǵdyry&raquo; qoǵamdastyǵy ıdeıasyn joǵary baǵalaıdy. Bul týraly Sınhýa aqparat agenttigine suhbat bergen Memleket basshysy Qasym-Jomart Toqaev aıtty.</p>

«Tereń qaıta qurý kezeńine aıaq basqan qazirgi álem týrbýlenttilik pen qaıshylyqtardyń kúsheıýimen sıpattalatynyn aıta ketken jón. Ókinishke qaraı halyqaralyq qaýipsizdiktiń dástúrli arhıtektýrasy aıtarlyqtaı ózgeristerge ushyrap, al, elder arasyndaǵy senim deńgeıi tómendeýde», - dedi Memleket basshysy.

Qazaqstan Prezıdentiniń paıymynsha, mundaı jaǵdaıda adamzat shynymen de jahandyq qaýipsizdik pen álemdik ekonomıkalyq ósimdi qamtamasyz etý úshin shoǵyrlandyrylǵan, tıimdi jáne barabar áreket etý sharalaryn ázirleýi kerek.

«Osy turǵyda Qazaqstan Tóraǵa Sı Tszınpınniń qazirgi halyqaralyq jaǵdaıda jańa ózektilikke ıe bolyp otyrǵan jáne teń ári kóppolıarly álemdi qalyptastyrýǵa járdemdesýge arnalǵan «adamzattyń ortaq taǵdyry» qoǵamdastyǵy ıdeıasyn joǵary baǵalaıdy. Qytaıdyń jahandyq damý, jahandyq qaýipsizdik jáne jahandyq órkenıet jónindegi bastamalary jahandyq qaýipsizdikti qamtamasyz etýge jáne turaqty damý maqsattaryn júzege asyrýǵa orasan zor úles qosatynyna senimdimin», - dedi Qasym-Jomart Toqaev.