Qazaqstan Shveıtsarııadan 66 ese úlken, biraq ortaq tustarymyz kóp - Dıplomat
«Barshańyzǵa belgili, sý taqyryby álemniń kóptegen óńiri úshin, sondaı-aq Ortalyq Azııa úshin mańyzdy másele bolyp otyr. Al Shveıtsarııa óz taýlary arqyly Frantsııany, Germanııany, Aýstrııany sýmen qamtıdy, ıaǵnı júzdegen jyldar boıy sý máselesinen habardarmyz. Bizde sý qatynastary týraly áli de qyzý pikirtalas bar. Eger sizderge sýdyń durys jáne ádil bólinýi boıynsha qandaı da bir qoldaý kórsete alsaq, kómektesýge daıynbyz», - dedi Inıatsıo Kassıs elordada Syrtqy ister mınıstrliginde ótken brıfıngte.
Onyń aıtýynsha, Qazaqstan Úkimeti osy taqyrypty tereńirek talqylaý úshin jáne Shveıtsarııada taýlar arqyly sý bólýde qandaı jumys júrgizilgenin kórsetý úshin sarapshylar delegatsııasyn jiberýdi suraǵan.
«Astana men Almatydaǵy eki kúndik baǵdarlamamda qazaq mádenıeti men landshaftarynyń alýan túrliligimen tanysýǵa múmkindik aldym, ol úshin sizderge alǵysym sheksiz. Qazaqstan Shveıtsarııadan 66 ese úlken, halqy 2 ese kóp. Geografııalyq qashyqtyqqa jáne bizdiń elderimizdiń ártúrli ólshemderine qaramastan, bizde kóptegen uqsastyq bar. Atap aıtqanda, ushaǵymyz qonǵanda keremet taýlardy kórdik, ózen-kólderdiń kóptigi, halyqtyń birneshe tilde sóıleýi máselesi de bizge jaqsy tanys. Sondyqtan, pikir almasqandaryńyz úshin, qonaqjaılylyǵyńyz úshin alǵys aıtamyn. Kóp rahmet», - dedi dıplomat.
Aıta keteıik, Shveıtsarııa Syrtqy ister federaldyq departamentiniń basshysy Inıatsıo Kassıs Qazaqstanǵa resmı saparmen keldi.