Qazaqstan sheteldik ınvestorlar úshin áli de tartymdy el – Toqaev
«Biz sheteldik ınvestorlar úshin áli de tartymdymyz. Qazaqstan álemde halyqaralyq isterde jaýapty jáne óz damýynda progreske qol jetkizýge baǵyttalǵan ári ózara tıimdi yntymaqtastyqqa umtylatyn qarqyndy damýshy el retinde keńinen tanymal. Bul ásirese kúrdeli geosaıası jaǵdaıda, jalpy arazdyq pen senimsizdik atmosferasynyń ósýi aıasynda óte mańyzdy», - dedi Memleket basshysy.
QR Prezıdenti jaqynda elimizge Rımm Papasynyń saparlaǵanyna toqtalyp ótti.
«Taıaýda, qyrkúıek aıynda ózderińiz de biletindeı, Rım Papasy Frantsısk Qazaqstanǵa kelgende aıtqan ýaǵyzdarynyń birinde elimizdi «kezdesý menen dıalog orny...» retinde kórinetinin, «beıbitshilik pen adamı baýyrlastyqty ilgeriletý isiniń qozǵaýshy kúshi» bolyp tabylatynyn, «bir-birin qurmetteıtin beıbitshilik qurý kúsh-jigeri» ortalyǵy sanaıtynyn málimdedi. Pontıfıktiń jáne adamzattyń eń bedeldi rýhanı kóshbasshylarynyń biriniń osy sózderi Qazaqstandy jan-jaqty óte jaqsy sıpattaıdy jáne qundylyqtarymyzdy erekshe kórsetedi», - dedi Qasym-Jomart Toqaev.