«Qazaqstan sheteldik BAQ kózimen» baıqaýyna ótinimder qabyldaý bastaldy
Bspasóz qyzmetiniń málimetterine qaraǵnda, Qazaqstan Respýblıkasy Syrtqy ister mınıstrligi, Qazaqstan Bas redaktorlar klýby, «Kazakh Tourism» ulttyq kompanııasy» AQ jáne Azııadaǵy ózara is-qımyl jáne senim sharalary jónindegi keńesiniń (AÓSShK) Hatshylyǵymen ózara seriktestik sheńberinde Qazaqstan týraly materıaldardy jazatyn/túsiretin sheteldik jýrnalıster úshin «Qazaqstan sheteldik BAQ kózimen» atty 8-shi baıqaýyna ótinimderdi qabyldaý bastalǵany týraly habarlaıdy.
2014 jyldan beri júrgizilip kele jatqan Konkýrstyń aıasynda elimizdiń túrli aspektileri týraly meılinshe shyǵarmashyl, shynaıy jáne obektıvti túrde jarııalaıtyn sheteldik avtorlardyń mátindik jáne beıne materıaldardy iriktep keledi. Baıqaýǵa BAQ-ta jarııalanǵan materıaldardan basqa, blogerlerdiń áleýmettik jelilerdegi paraqshalarynda ornalastyrylǵan jumystary da qatysa alady.
Negizgi taqyryptan basqa osy jyly AÓSShK-nyń jańa nomınatsııasy usynylatyn bolady, onyń sheńberinde «AÓSShK: Jańa álemdegi jańa Azııa» taqyrybyndaǵy jumysy úshin bir jeńimpaz aıqyndalatyn bolady.
Baıqaýǵa qatysýǵa 2022 jylǵy 15 shildeden bastap 2023 jylǵy 15 shildege deıingi merzimde Qazaqstan týraly sheteldik BAQ-ta nemese áleýmettik jelilerde jarııalanǵan aqparattyq materıaldar qabyldanady.
Baıqaý jeńimpazdaryn quramyna QR Syrtqy ister mınıstriniń orynbasary Roman Vasılenko, «Bas redaktorlar klýbynyń» basshysy Bıbigúl Jeksenbaı, «Kazakh Tourism» Ulttyq Kompanııasy» AQ Basqarma tóraǵasy Talǵat Amanbaev jáne AÓSShK áskerı-saıası ólshem sarapshysy Elshi Dýlat Qýanyshev kiretin qazylar alqasy anyqtaıdy.
Baıqaý qorytyndysy boıynsha bes geografııalyq aımaqtan bes jeńimpaz anyqtalady:
– Soltústik jáne Ońtústik Amerıka;
– Eýropa;
– TMD;
– Taıaý Shyǵys jáne Afrıka;
– Azııa-Tynyq muhıt aımaǵy jáne «Kazakh Tourism» men AÓSShK taqyryptary boıynsha nomınatsııa boıynsha eki laýreat.
Jeńimpazdar Astana, Almaty qalalary men Mańǵystaý oblysyna barý júldesine ıe bolady. Sapar barysynda mazmundy mádenı baǵdarlama josparlanǵan.
Sonymen birge, qalyptasqan dástúrge sáıkes, baıqaý jeńimpazdaryna arnaıy memlekettik sektor ókilderimen, sarapshylar jáne jýrnalıstermen, Qazaqstannyń ǵylym jáne mádenıet qaıratkerlerimen kezdesýler uıymdastyrylatyn bolady.
Barlyq jumystar 2023 jyldyń 15 shildesinen keshiktirilmeı mediacontest2023@mfa.kz elektrondy poshtasyna jiberilýi tıis.
Baıqaý nátıjelerin 2023 jyldyń 1 tamyzyna deıin jarııalaý josparlanýda.
Qosymsha aqparat alý úshin mediacontest2023@mfa.kz poshtasyna nemese +77172720987 telefonyna habarlasýǵa bolady.