Qazaqstan shekarasynyń 16 paıyzy ǵana tehnıkalyq kúzet jabdyqtarymen jaraqtalǵan

ASTANA. QazAqparat – Qazaqstan shekarasynyń 84 paıyzy eshqandaı tehnıkalyq jabdyqsyz, áskermen ǵana kúzetiledi. Ulttyq qaýipsizdik komıteti tóraǵasynyń orynbasary – Shekara qyzmetiniń dırektory Erlan Aldajumanov Senat kýlýarynda osyndaı málimet aıtty, dep habarlaıdy QazAqparat tilshisi.

«Biz táýelsizdik alǵan kezde Keńes Odaǵynan qalǵan, Shyǵys shekara okrýgindegi 6 shekara jasaǵy Qytaımen shekaranyń 1700 shaqyrymyn kúzetip turdy. Bizge osy 1700 shaqyrym shekarany kúzetip turǵan 6 jasaqpen Qazaqstan Respýblıkasynyń búkil perımetrin jabý týraly pármen túsken edi. Biz búkil shekarany belgilep, baqylaý júrgizý úshin osy qurammen shyǵýǵa májbúr boldyq. ıAǵnı, kúzetiletin shekara uzyndyǵy 9 ese ulǵaıdy. Qazir shekaramyzdyń uzyndyǵy 15 132 shaqyrym ekenin bilesizder. Keı tustarda demarkatsııa áli júrip jatqandyqtan azdaǵan ózgeris bolýy múmkin. Biz basynda eshbir jabdyqtalmaǵan oryndarǵa keldik. Ol kezde ákimdikter bólgen ǵımarattarda otyrdyq. ıAǵnı túrli sıpattaǵy qoldanysqa beıimdelgen ǵımarattar edi. Keıin birtindep ınfraqurylymdy jetildirý, shtat sanyn kóbeıtý jumystary bastaldy», - dedi ol.

UQK ókili normatıv boıynsha shekarany kúzetetin shtat sany qazirgiden birneshe ese úlken bolýy kerek ekenin aıtady.

«Osy shtat sanyn adammen jappaý úshin tehnıkalyq jaraqtandyrýdy jetildirýimiz kerek. Senat otyrysynda depýttardyń suraǵyna jaýap bergen kezde aıttym. Qazirgi tańda Qazaqstan Respýblıkasy shekarasynyń 16 paıyzy ǵana shekarany kúzetetin tehnıkalyq jabdyqtarmen jaraqtalǵan. Bul óte az ekenin túsinetin shyǵarsyzdar. Negizinen bul Qytaı baǵyty. Qalǵan shekaramyzdy tek adamdar kúzetip tur. Bul problemany bári biledi. Aqsha birtindep bólinip jatyr. Óıtkeni qajettilik óte úlken. Onyń somasyn aıtqym da kelip turǵan joq», - dedi Shekara qyzmetiniń dırektory.

Sondaı-aq, Erlan Aldajumanov memlekettik shekaranyń ár shaqyrymyn arnaıy ınfraqurylymmen jabdyqtaý úshin qansha qarajat kerek ekenin aıtty.

«Ekonomıkalyq ahýaldy bilemiz, sondyqtan bólinip jatqan aqshany qanaǵat tutamyz. Eń bastysy sol aqshany tártippen ıgerý kerek. Sizder túsiný úshin mysal keltireıin. Bir shekara zastavasy standart boıynsha 20 shaqyrym shekarany kúzetedi. Osyndaı uzyndyqtaǵy memlekettik shekarany qajetti tenıkalyq quraldarmen, ınfraqurylymmen jabdyqtaý úshin 2,9 mlrd teńge kerek. Bul óte kóp aqsha. 20 shaqyrymǵa osynsha kerek bolsa, bizde jalpy shekaranyń uzyndyǵy 15132 shaqyrym», - dedi ol.