Qazaqstan shekarasyndaǵy 10 ótkizý beketi qaıta jańartylady

NUR-SULTAN. QazAqparat – QR QM Memlekettik kirister komıtetiniń tóraǵasy Marat Sultanǵazıev 9 avto men 1 temirjol ótkizý pýnkti qaıta jańartylatynyn aıtty, dep habarlaıdy QazAqparat tilshisi.

«Ótkizý pýnkterindei tehnıkalyq qaıta jaraqtandyrý da josparlanǵan. Ózbekstanmen shekaradaǵy «B.Qonysbaev» baqylaý-ótkizý beketin jańartý jumystary aıaqtaldy. «Nur Joly» baqylaý-ótkizý pýnktiniń úlgisimen shekara keptelis týǵyzatyn ýchaskelerinde mobıldi qosymsha arqyly kezekti aldyn-ala brondaýǵa múmkindik beretin «Elektrondy kezek» júıesin engizý josparlanýda», - dedi Marat Sultanǵazıev Ortalyq kommýnıkatsııalar alańynda ótip jatqan baspasóz máslıhatynda.

Onyń aıtýynsha sondaı-aq navıgatsııalyq plombalardy engizý isi de keńinen qoldanylyp keledi. Bul kólik aǵyndaryn baqylaýǵa jáne jalǵan tranzıt faktilerin azaıtýǵa múmkindik berip otyr.

Eske sala ketsek byltyr «Qordaı» ótkizý pýnkti keńeıtilip, qaıta jańartylatyny habarlanǵan bolatyn.