Qazaqstan shekarasynda birneshe zańsyz árekettiń joly kesildi
Baspasóz málimetterine qaraǵanda, Aqtóbe shekara otrıadynyń «Álimbet-avto» ótkizý beketinde shekarashylar eshqandaı ruqsat qaǵazdarynsyz 10 tonna metall synyqtaryn «MAZ» avtokóligimen Reseıge alyp ótpek bolǵan 1984 jyly týǵan Reseı azamatyn ustady. Ustalǵan azamat júgimen birge Aqtóbe oblysy boıynsha Memlekettik kiris departamentine tapsyryldy.
Sonda-aq Qostanaı shekara otrıadynyń «Qaıraq-avto» bólimshesinde shekara narıady elimizden Reseıge ketip bara jatqan 26 jastaǵy qazaqstandyqtyń jekemenshik «Jak» avtokóliginen qyzyl kitapqa engizilgen janýar - arqardyń basyn taýyp aldy. Ustalǵan azamat aıǵaq zatymen birge Qarabalyq aýdandyq polıtsııa bólimine tapsyryldy.
Qordaı shekara otrıadynyń «Qarasý» ótkizý pýnktinde keshki saǵat 19-00-der shamasynda eki birdeı «Mersedens-bens» júk kóliginiń árqaısysynan 2000 kılogramnan jáne «Honda Odısseı» júk kólginen 500 kg eshqandaı ruqsat qaǵazdarynsyz (jıyny 4500 kg) halyq tutynatyn taýarlar tabyldy. Olardy Qazaqstanǵa qaraı alyp kirmek bolǵan 38, 34 jastaǵy eki qazaqstandyq jáne 38 jastaǵy Qyrǵyz Respýblıkasynyń azamaty ustaldy. Taýarlar men kólikter aktilenip Qordaı aýdandyq Memlekettik kiris departamentine tapsyryldy.
Osy otrıadtyń «Qordaı-avto» ótkizý pýnkitinde túngi saǵat 1-00-der shamasynda jekemenshik «Nıssan Tıana» avtokóligimen Qyrǵyz Respýblıkasynan elimizge qaraı, jalpy salmaǵy 468 kg kalıanǵa arnalǵan temeki ónimin zańsyz alyp kirmekshi bolǵan Qyrǵyz Respýblıkasynyń azamaty ustaldy. Avtokóligi júgimen birge aktilenip, Qordaı aýdandyq memlekettik kiris departamentine tapsyryldy.
«Sonymen qatar, tańǵy saǵat 5-00-der shamasynda 200 lıtrge jýyq janarmaıdy «Mersedes-bens» avtokóligimen elimizden zańsyz alyp shyqpaqshy bolǵan 30 jastaǵy Qyrǵyz Respýblıkasynyń azamaty ustaldy»,-delingen habarlamada.