Qazaqstan shekarasynan 5 kelige jýyq altyn buıymdardy zańsyz alyp ótpek bolǵan azamatsha ustaldy
16:12, 11 Maýsym 2014
ALMATY. QazAqparat - Qazaqstandyq shekarashylar kontrabandalyq jolmen 5 kelige jýyq altynnan jasalǵan áshekeı buıymdardy alyp ótpek bolǵan azamatshany ustady. Bul týraly QR UQK Shekara qyzmetiniń baspasóz qyzmetinen habarlady.
«Beıneý temirjol» shekaralyq baqylaý beketiniń shekarashylary «Máskeý-Hýdjand» baǵytynda ketip bara jatqan №360 poıyzynan Tájikstan azamatshasyn ustady. Onyń júgin qaraý kezinde sary tústi metaldyń «585» synamasynan jasalǵan 5 kelige jýyq áshekeı zattar tabyldy. Atalǵan derek boıynsha quqyq qorǵaý organdary qulaqtandyryldy, tergeý amaldary júrgizilýde.